Baki Dervishi: 2018 duhet të jetë viti i Shpresës!

Nga Baki Dervishi

2018 duhet të jetë viti i Shpresës!

Pavarësisht pikëpamjeve të ndryshme , të gjithë bien dakord se periudha e ndërrimit të viteve është një ndër periudhat më të vecanta për të gjithë familjet Shqiptare dhe kjo lidhet me atmosferën e vecantë që krijohet këtë periudhe .

Është ai moment i vitit ku duket se njëherësh dashuria , mirëqënia, gëzimi dhe mirësia e mundin urrentjen , varfërine , mërzinë dhe të keqen .

Në këtë periudhë harrova studimet , lodhjet e Vitit dhe vendosa ti kaloja pushimet pranë familjes , miqëve dhe shokëve . U riktheva në qytetin tim “Kavajën” dhe vura re që shumë gjëra kishin ndryshuar ! Në rrugë pashë njerëz me kokën ulur , në dyqane pashë njerëz të ndrojtur ku qeset e tyre te ushqimeve ishin shume herë më pak të mbushura se më parë , kafenetë ishin të mbushura me njerëz të cilët diskutonin për papunësinë , varfërinë dhe ngushëlloheshin duke dëgjuar njëri-tjetrin dhe në sfond televizori jepte ne mënyre të pandërprerë lajme që flisnin për aferra dhe korrupsion të Qeverisë , ndërsa të rinjtë thua se i kishte zënë të gjithë e njëjta sëmundje , sëmundja për tu larguar nga Shqipëria dhe diskutonin për vënde të Europës si Gjermania, Anglia , Franca etj, e si për dreq e përfundonin gjithmonë bisedën e tyre duke thënë “ Dhe atje nuk na pret njeri me krahë hapur dhe nuk do të jetë fushë me lule per ne “. Në këtë rast më erdhi menjëherë në mëndje fatkeqësia qe ndodhi vetëm pak ditë më parë me bashkëmoshatarin tim Florenc Beqiri i cili u largua për një jetë më të mirë dhe në moshën më të bukur të jetës u rikthye me arkmort në token mëmë. Takova shoqëri, të afërm që kishim vetëm probleme me ekonominë e ishin të thyer në shpirt sepse ky Vit i kish gjetur si asnjëher më parë , të varfër , të ndrojtur e pa shpresë .

Ata pak shokë të mi të cilët ishin kthyer nga emigrimi për të kaluar pak ditë festash , shpreheshin njëzëri se nuk do donin kurrë të ktheheshin këtu dhe po përgatiteshin të mermin dhe prindërit e tyre atje ku jetonin . Këtë fundvit kaq të zymtë e të varfër se kisha parë asnjëher me parë ku dhe familjarët e emigrantëve nuk i prisnin fëmijët për festa por kishin bërë gati valixhet për të shkuar ti kalonin festat pranë tyre atje ku ata jetonin dhe punonin. …….Të drejtë kishin fundja pse të rrinin këtu ndërkohë që atje është më lirë dhe më mirë .

Pavarsisht se kjo gjëndje ndikoi shumë emocionalisht tek mua , përsëri jam i bindur se Ne të rinjtë nuk duhet ta lëmë Shqipërinë tonë të vazhdojë këtë rrugë drejt rrënimit ,

Ne duhet ti dalim ballë cdo problematike duke ngritur zërin tonë dhe duke u bashkuar për të këkruar të drejtat tona ,

Ne duhet ti themi stop varfërimit në ekonomi dhe në shpirt të prindërve tanë të cilët sakrifikojnë për të na arsimur dhe për të krijuar një jetë më të mirë për të na patur më pranë vetes e jo duke emigruar ,

Idetë tona duhet të jenë baza e programit të një qeverie me politika ekonomike për qytetarët dhe familjet në nevojë .

Ne , puna dhe angazhimi jonë për ta ndryshuar këtë vend ku kemi lindur e duam të jetojmë është e vetmja mënyrë për ta nxjerrë këtë vënd nga skëterra e krijuar nga kjo mënyrë qeverisëse që vetëm se po e largon rininë , po ja mbyll gojën dhe po i injoron një e nga një të gjitha familjet intelektuale apo dhe ato të varfëra !

Burimi:(integrimi.al/E.P)

al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al