Në Thumanë banorët nuk po e respektojnë karantinimin, pasi kanë dalë për të punuar.

Ata shprehen se duhet të dalin të punojnë për të siguruar ushqime për veten dhe fëmijët, pasi kushtet janë shumë të vështira.

Në Thumanë vazhdon prishja e ndërtimeve nga IKMT, dhe banorët i kanë shfrytëzuar për të mbledhur hekur dhe dru, për t’i shitur më pas dhe për të blerë ushqime për familjen.

IKMT ka deklaruar se në Thumanë do të prishen edhe 9 objekte të tjera, por kjo do të sjellë edhe thyerjen e karantinimit për shumë banorë të tjerë, duke rrezikuar për përhapjen e koronavirusit.

Banorët shprehen se ndjehen të rrezikuar se mund të infektohen, por problemet e shumta ekonomike kanë bërë që të rrezikojnë për bukën e gojës.