Ndonëse produktet teknologjike bëjnë të njëjtën punë për të dy gjinitë, kompanitë kanë kuptuar se “shpirti femëror” në stil e modë, si dhe fuqia e tyre blerëse, kanë peshë vërtet domethënëse.

Këto janë disa produkte teknologjike që do të ishin dhurata të mira për femra:

  1. Swarowski Shine Collection Misfit ofron stoli që mund të lidhen me celularin dhe të matin rrahjet e zemrës, hapat e bëra dhe orët e gjumit.
  2. Unaza Ringly Stargaze sinjalizon me dridhje dhe drita kur vijnë mesazhe në celular, si dhe për njoftime të tjera.
  3. Stelle Audio është çantë ku mbahet makijazhi, por edhe altoparlant që lidhet me bluetooth me celularin, ose pajisje të tjera që luajnë muzikë.
  4. Byzylyku UP3 nga Jawbone shërben gjithashtu për të ndjekur veprimtaritë fizike të ditës, por ka një punim shumë tërheqës si stoli.
  5. Dorashka lëkure të ndërtuara enkas për të shtypur butonat në ekranet e celularëve, pa qenë nevoja t’i heqësh në dimër.
  6. Ky byzylyk quhet QBracelet, dhe është karikues celulari, nëse ju lë bateria në baltë.
  7. Carin by Cuff, sinjalizon njoftimet që vijnë në celular dhe gjithashtu mat të dhënat fizike.
  8. Mbajtëse druri me porta USB për të karikuar celularin dhe vend për të mbajtur rregull mbi tryezën e punës.