Floida Kërpaçi: LSI mbështet naftëtarët dhe minatorët, miratimi i statusit është garanci që ndalon keqtrajtimin dhe grabitjen e këtyre punonjësve

Deputetja e LSI, Floida Kërpaçi ka dhënë një deklaratë pak minuta më parë nga Selia e LSI, ku shprehet se Lëvizja Socialiste për Integrim po ndjek me shqetësim të madh zhvillimet më të fundit të sektorit të naftës dhe veçanërisht ato që lidhen me kompaninë ARMO dhe me dramën e përditshme që përjetojnë punonjësit e rafinërisë atje.

Më poshtë deklarata e plotë:

Lëvizja Socialiste për Integrim po ndjek me shqetësim të madh zhvillimet më të fundit të sektorit të naftës dhe veçanërisht ato që lidhen me kompaninë ARMO dhe me dramën e përditshme që përjetojnë punonjësit e rafinërisë atje. Provë e qartë e shqetësimit të kahershëm të LSI-së është se thuajse tre javë më parë, më datë 12.12.2017 ku deputeti i LSI-së, si anëtar I komisionit të ekonomisë, Z. Edmond Haxhinasto ka kërkuar informacion me shkrim Ministrit Gjiknuri për zbatimin e statusit të naftëtarit.

Situata është përkeqësuar dukshëm dhe është vërtet kritike dhe turp I rende per qeverine,që naftëtarët duhet të udhëtojnë kilometra të tëra për të fituar të drejtën e rrogës së tyre, për të cilën derdhin djersë dhe bejne sakrifica të panumërta. Është provë e qartë që qeveria dhe trajtimi barabartë për të gjithë, nuk ekziston më, dhe vetëm protestat e reagimet shumë të forta mund të shërbejnë sadopak për të të fituar të drejtat me minimale, siç është ajo e rrogës.

Ministrat Oligarkë të Qeverisë, të ndihmuar dhe nga rilindasi Kol Nikolla, po marrin nëpër këmbë e po grabisin djersën e naftëtarëve. Rilindasi I kahershëm Kol Nikolla, I ka shitur me kohë interesat e naftëtarëve dhe të minatorëve kudo që ata janë, dhe gjaku e djersa e gjaku I tyre paguan udhëtimet e tij, drekat e darkat dhe të gjitha favoret që ai perveteson ne menyre te pacipe.Në këtë situate rruga e vetme e minatorëve eshte që ata të përballen vetë për të zgjidhur kërkesat e tyre.

LSI dhe opozita do të ishte e gatshme të protestonte sot bashkë me naftëtarët, por nuk e ka bërë deri më sot këtë për të mos I dhënë shkak qeverisë së batakçinjve që ta konsideronin reagimin e naftëtarëve të politizuar dhe kjo të shërbente si sebep, që qeveria të mos bëntë asgjë për të zgjidhur hallet e tyre. Por që sot e tutje, LSI dhe opozita nuk do të kenë asnjë hezitim që ti mbështesin gjerësisht këto protesta që kanë të bëjnë më bukën e gojës të naftëtarëve dhe njëherazi do çjerrë maskën e qeverisë së korruptuar deri në palcë si dhe të kukullave rilindase si Kol Nikolla me shokë.

 

Mbi Qeverinë që grabiti rrogat e naftëtarëve rëndon një përgjegjësi shumë e madhe edhe për grabitjen e taksave të të gjithë shqiptarëve, pasi kjo kompani nuk I ka paguar mbi 60 milion euro detyrime shtetit dhe përpara kësaj vjedhje të përmasave shumë të mëdha ku bashkëpunëtori kryesor është qeveria, shqiptarëve u janë grabitur 60 milion euro ndërsa qeveritarëve u janë mbushur xhepat me këto miliona. LSI nuk do të heqi dorë kurrë nga mbështetja për naftëtarët dhe minatorët.

LSI nuk do të heqi dorë nga miratimi I statusit, si garanci supreme që ndalon keqtrajtimin dhe grabitjen e këtyre punojësve. LSI do të jetë pa asnjë hezitim dhe në mënyrë të vendosur kundër padronëve qeveritarë dhe veglave të tyre të korruptuara të cilat janë kundër naftëtarëve dhe minatorëve.

Burimi:(integrimi.al/E.P)

 

al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al