Ilir Meta takime të veçanta me homologët e tij evropianë gjatë Konferencës së Kryeparlamentarëve të BE-së në Luksemburg

Meta me Kryetarin e Parlamentit te Spanjes Patxi Lopez Alvarez (1)Në kuadër të Konferencës së Kryeparlamentarëve të vendeve të BE-së që po zhvillohet këtë javë në Luksemburg, Kryetari i Kuvendit të Shqipërisë, z. Ilir Meta, i cili shoqërohej prej Kryetares së Komisionit të Punëve të Jashtme znj. Arta Dade zhvilloi disa takime të veçanta me homologët e tij evropianë.

Me Presidentin e Senatit të Francës, z. Gerard Larcher, Kryetari i Kuvendit z. Ilir Meta bisedoi mbi ecurinë e procesit të integrimit evropian të vendit tonë, ku z. Meta vuri në dukje se përpjekjet janë përqendruar në miratimin me sukses e pa vonesa të ndryshimeve kushtetuese për reformimin e sistemit të drejtësisë, reformë që është kyçe për çdo reformë tjetër madhore në kuadër të procesit të integrimit.

meta ne konferencen e kryeparlamentareve te BENë këtë kuadër, Kryetari Meta dhe Presidenti Larcher ndanë bindjen e përbashkët se bashkëpunimi ndërparlamentar mes Shqipërisë dhe Francës duhet konsoliduar edhe më tej, në mbështetje të etapave të ardhshme të integrimit të Shqipërisë ne Bashkimin Evropian. Z. Meta vuri ne dukje se Shqipëria e vlerëson maksimalisht përkrahjen e Francës dhe se përshpejtimi i rrugëtimit evropian te Shqipërisë do t’a rrisë besueshmërinë e vendit mes partnerëve të saj evropianë.

Në kuadër të kësaj konference, Kryetari i Kuvendit z. Ilir Meta u takua gjithashtu edhe me Kryetarin e Dhomës së Përfaqësuesve të Luksemburgut, z. Mars di Bartolomeo, të cilin e falënderoi për ftesën dhe për mikpritjen e ngrohtë duke nënvizuar se Shqipëria dëshiron marrëdhënie me intensive me Luksemburgun si në planin dypalësh ashtu edhe në atë evropian.

Meta me Presidentin e Senatit te Frances, Gerard LarcherPas takimit, z. Di Bartolomeo dha një prononcim për mediat, ku vlerësoi marrëdhëniet mes dy vendeve si edhe progresin që ka bërë Shqipëria në procesin e integrimit europian.
“Patëm një takim mjaft të frytshëm me kolegun tim, Kryetarin e Kuvendit të Shqipërisë. Ne kemi marrëdhënie shumë të mira mes dy vendeve tona dhe dëshirojmë që Shqipëria të ketë progres. Një progres të madh e të vazhdueshëm që do t’i japë mundësi të ketë një perspektivë më të mirë në rrugën drejt anëtarësimit në Bashkimin Europian. Njëkohësisht, mund të them se kemi marrëdhënie të shkëlqyera me z. Meta dhe bashkëndamë mendimin për të thelluar edhe më tej marrëdhëniet mes nesh duke shkëmbyer edhe vizita respektive”, – tha z. Mars di Bartolomeo.

Më tej, z. Meta u takua me Kryetaren e Senatit të Vendeve të Ulëta, znj. Ankie Broekers-Knol dhe me Kryetaren e Dhomës së Përfaqësuesve të Vendeve të Ulëta, znj. Khadija Arib me të cilat vlerësuan bashkëpunimin mes Holandës dhe Shqipërisë, si tepër të rëndësishëm për avancimin e procesit të integrimit evropian të Shqipërisë. Në këtë kuadër, z. Meta i ftoi të dy Kryetarët për një vizitë në Shqipëri, ftesë e cila u mirëprit me kënaqësi.

Gjithashtu, z. Meta u takua edhe me Kryetarin e Parlamentit të Portugalisë, z. Eduardo Ferro Rodrigues, Kryetarin e Parlamentit të Suedisë, z. Urban Ahlin, Kryetaren e Parlamentit të Danimarkës, znj. Pia Kjaersgaard, Kryetarin e Asamblesë Kombëtare të Francës, z. Claude Bartolone, Presidentin e Bundestagut Gjerman z. Norbert Lammert, Kryetaren e Dhomës së Deputetëve të Italisë, znj. Laura Boldrini, Kryetarin e Parlamentit të Maltës, z. Angelo Farrugia, Kryetarin e Sejmit të Polonisë, z. Marek Kuchcinksni, Kryetaren e Parlamentit të Zvicrës, znj. Christa Markwalder dhe me Kryetarin e Kongresit të Deputetëve të Spanjës, z. Patxi Lopez Alvarez.

Gjatë të gjitha takimeve me homologët e tij, z. Meta diskutoi mbi intensifikimin e bashkëpunimit ndërparlamentar, ecurinë e reformave në Shqipëri, mbi forcimin e marrëdhënieve dypalëshe dhe mbi situatën në rajon.

Burimi:( integrimi.al / E.S ) 

Te shenuara si:
al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al