Klevi Pojana: Mjerë kush mendon se ne perënduam.Forca jonë e pashtershme buron nga rinia, forcë e pandalshme, forcë e pavdekshme.

Kandidati për deputet i LSI, Klevi Pojana i cili nuk arriti të fitojë mandatin për tu futur në parlament ka reaguar për herë të parë në faqen e tij zyrtare në Facebook.Klevi ka falenderuar të gjithë ata që i besuan te LSI, punuan fort dhe i dhanë jetë, grintë dhe krah LSI.Gjithashtu i është përgjigjur të gjithë atyre që shkruajtën se “perënduan”.
“Mjerë kush mendon se ne perënduam, nesër qielli do të shkëlqej më fort se kurrë e kushdo do mund të ndajë më mirë shapin nga sheqeri!”, tha ndër të tjera Klevi Pojana.

Faleminderit!
Për Ju që besuat, punuat, qëndruat dhe sakrifikuat kam nga zemra vetëm falenderime!
Qëndruam krah parimeve, moralit dhe vlerave në një fushatë model për një Shqipëri më të mirë!
Zotit i lutem për begati dhe mbarësi për Shqipërinë dhe familjet e cdo shqiptari!
Beteja për demokraci funksionale do vazhdojë dhe e ardhmja do ti takoj patjetër të rinjve!
Ndoshta ishte herët që në këtë vend të votohej lirisht e ndershmërisht pa blerje votash, pa dhunë e pa kërcënime për bukën e gojës!
Ndoshta është e vërtetë! Nga cdo mënyrë që shpiku njeriu për të nënshtruar njeriun, litari i bukës doli më i forti!
Krenar për qindra e mijëra të rinjë që i dhanë jetë, grintë dhe krah LSI! Ishit gjeneruesit e fushatës më të bukur të bërë ndonjëherë në Shqipëri!
E ardhmja s’do të jetë e zymtë, jam i bindur! E keqja nuk mund të mbizotërojë gjatë mbi të mirën dhe përballë të keqes unë do jem gjithmonë opozitë!
LRI do të shkëlqej, ka në të rini të jashtëzakonshme që e duan këtë vend dhe e duan të ardhmen! Mjerë kush mendon se ne perënduam, nesër qielli do të shkëlqej më fort se kurrë e kushdo do mund të ndajë më mirë shapin nga sheqeri!
Oligarkitë kanë jetuar e janë forcuar dhe më parë por gjithmonë kanë pasur të njëjtin fund, humnerën!
Dhe dicka për Tiranën dhe njësinë 8 ku punova me shpirt bashkë me një grup të shkëlqyer!
I barabartë mes të barabartëve ja dolëm që në Tiranë të ishim sic dhamë fjalën njësia më e mirë për LSI dhe kurrsesi nuk mund të zhgënjehemi nga një rezultat i fabrikuar paraprakisht në zarfe të bardhë mbushura me para nga të zeza!
Gjeta mes jush, njerëz me halle shumë, të cilët i kam e do ti kem miq se jeta!
Njerëz me virtyte e me zemër të madhe, të cilët duan zgjidhje për varfërinë që u është shtruar në tryezën e vjetëruar e që mban sipër vec një tepsi boshe!
Njerëz që u lexon në sy probleme nga më të ndryshmet, të cilët duan dhe meritojnë një shans më shumë e më të mirë për të nesërmen!
Më pritët e më nderuat si djalin tuaj e ktë borxh do jua kthej me shpirt me gjithcka mundem! Të jem zë nga zëri juaj është e do të jetë misioni më fisnik që kam zgjedhur në jetë!
Lodhjen, netët pa gjumë, trokitjet derë më derë, dorështrëngimet e sinqerta, punën e pandalshme ne do ta vazhdojmë sepse qëllimi ynë në politikë nuk janë thjeshtë disa numra votash apo mandatesh!
Është shumë më shumë se kaq, është përfaqësim, solidaritet, miqësi, ndjesi, vlerë, zhvillim, progres, integrim!
E majta, vlerat e së cilës janë gdhendur e gjenden më shumë se kudo tjetër në LSI është barazi sociale, qasje liberale, progres, është mbi cdo gjë tjetër solidaritet!
Këtë solidaritet do të punojmë cdo ditë ta implementojmë në shoqërinë shqiptare!
Forca jonë e pashtershme buron nga rinia, forcë e jashtëzakonshme, forcë e pandalshme, forcë e pavdekshme!

(Burimi:Integrimi.al/Xh.N)

Te shenuara si:
al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al