Manjani: Prokuroria është dembele për shkak të sistemit

ylli-manjani-1

Ministri i Drejtësisë Ylli Manjani tha se Prokuroria është bërë pre e një sistemi dembel.

Deklarata e tij bë në Komisionin e Ligjeve, ku Manjani raportoi raportin vjetor të vitit 2015 të Ministrisë së Drejtësisë mbi inspektimet e kryera nga organi akuzës. Ministri tha se janë regjistruar rreth 2 mijë procedime penale dhe janë kërkuar masa disiplinore ndaj prokurorëve.
“Dembelizmi nuk është çështje totalisht e prokurorëve, por si një rrjedhojë e sistemit. Kjo nuk i justifikon në pasivitetin e tyre”, tha Manjani.
Ministri Manjani është ndalur në disa probleme që janë vënë re, ndërsa vlerësoi se është me rëndësi fokusimi tek këto probleme, lidhur kjo edhe me faktin që këtë vit pritet të ndodhin ndërhyrjet më të thella të programuara ndonjëhërë në historinë e shtetit shqiptar, në kuadër rë reformës në drejtësi.
Ministri Manjani sqaroi se gjatë periudhës së inspektimit, kontrolli i ushtruar në prokurori ka qenë i planifikuar ose me ankesë. Sipas z. Manjani, ankesat për këtë shërbim në Ministrinë e Drejtësisë, janë të një numri të lartë, në krahasim me ankesat që lidhen më gjyqësorin, gjë që reflekton besimin e ulët të publikut tek ky shërbim, të paktën në perceptim sepse shpesh konkluzioni pas verifikimit të ankesave ndryshon.

“Më duhet të them se në shumicën e rasteve verifikimi i ankesës nga ana jonë nuk rezulton në provimin e ankesës që ka pasur ankuesi”, sqaroi z. Manjani
Më tej ai theksoi se janë tetë prokurori në vend të inspektuara në mënyrë tematike, ashtu sikurse janë verifikuar edhe ankesa konkrete, për rreth 2000 procedime penale gjatë vitit. Për të kuptuar se çfarë realisht ndodh, Ministri Manjani raportoi se janë inspektuar pothuajse 32 prokurorë në shkallën e parë duke përfshirë prokurorinë e Matit, Lezhës, Pogradecit, Kavajës, Elbasanit, Korçës dhe Vlorës.
“Unë nuk mendoj se është realisht tregues sasia e inspektimeve se sa gjetjet. Janë rekomanduar edhe masat disiplinore, sepse kjo është detyra e Ministrit të drejtësisë, por përsëri them se nuk është kjo më e rëndësishmja”, tha Ministri Manjani
Ndër problemet me kryesore të sjella në vëmendjen e Komisionit për Çështjet Ligjore nga ana e z. Manjani fokusi u vendos në rritjen e efiçencë në ndjekjen penale, krijimin e një modeli të prokurorit aktiv, përdorimi i gjykimit të drejtpërdrejtë, etj

fjala e plotë e Ministrit të Drejtësisë

(Burimi integrimi.al/Xh.N)

Te shenuara si:
al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al