Milani ka qenë shumë aktiv në këtë merkato dimërore, ku janë afruar disa lojtarë dhe disa të tjerë pritet të largohen.

Sipas medieve italiane, Ricardo Rodriguez me shumë gjasa do të largohet nga kuqezinjtë. Destinacioni i ri për zviceranin do të jetë Turqia. Skuadra e Fenerbahces me shitjen e Mosses tek Inter e zgjidhi bllokimin e merkatos dhe me shumë mundësi do të afrojë Rodriguez në ekip.

Mirëpo nuk përfundon këtu, drejtuesit e Milanit tashmë duhet të mendojnë për zëvendësuesin e 27 vjeçarit. Sipas mediave itraliane duket se e kanë gjetur.

Image

Thuhet se “Djalli” ka nisur bisedimet me anglezët e Uiganit për mbrojtësin e majtë, Antoni Robinson. Ky i fundit pëlqehet shumë nga italianët, të cilët e shohin atë edhe si një investim për të ardhmen, për shkak të moshës 22- vjeçare.

Sipas asaj që shkruan “calciomercato”, anglezët kërkojnë të paktën 15 milionë euro plus bonuse për të hequr dorë nga shërbimet e futbollistit, një shumë e cila konsiderohet e lartë nga Milani, që nuk mendon të ofrojë më shumë se 10-12 milionë euro.

I rritur në akademinë e Evertonit, Robinson fitoi vëmendje në radhët e Boltonit në Kategorinë e Dytë të kampionatit anglez. Prej dy sezonesh është pjesë e Wiganit, me të cilin ka luajtur një kampionat në Championship, teksa sivjet ndodhet në Premierligë duke regjistruar 25 prezenca dhe të gjitha si titullar.

ImageImage