Intervista e Kryetares së LSI-së, për emisionin ‘Opinion’ në ‘TV KLAN’

Znj. Kryemadhi, krerët e Grupeve Parlamentare të PD-së dhe LSI-së, z. Spaho dhe z. Vasili, kanë shkuar ditën e sotme në Prokurori për të bërë një denoncim për Kryeministrin Rama. Për çfarë e denonconi? A nuk ju duket pak si xhiro bosh?

Jo, nuk ka aspak xhiro bosh. Vërtet Prokuroria e Shqipërisë është sot një institucion nën Kryeministri, pra është një degëzim i Kryeministrisë, sepse duke pasur parasysh që një Prokuror i Përgjithshëm zgjidhet me 69 vota, kur ligji thotë që duhet të zgjidhet me 84, për mua është e tillë. Ajo që dua të them është që, pavarësisht se këto institucione kanë rënë, opozita ka detyrën e saj të depozitojë në institucion letrën apo padinë për të cilën bëhet fjalë.

Cili është thelbi i padisë?

Thelbi është shumë i thjeshtë: Një kryeministër që kërcënon një punonjës policie për shkak të detyrës. Kush është ky që e bën këtë gjë?

Pse dy parti politike në opozitë duhet të bëjnë një padi për kërcënimin e një komisari, kur këtë padi mund ta bëjë vetë ai? Është thelbi politik i gjësë pra… Kjo për faktin që Edi Rama e ka quajtur mashtrues Emiljano Nuhun…

Jo, nuk e ka quajtur as mashtrues, por ka thënë: do të të ndjek këmba – këmbës. Pra, gjuha me të cilën ka folur Edi Rama është gjuha e Rexhep Rrahjes që tha: Takohemi në zgjedhje Lulzim Basha! Pra, këto të dy bashkë, si përdhunuesi, si kryeministri kanë të njëjtin mentalitet, të njëjtën gjuhë, të njëjtën sjellje, vetëm me gjatësi ndryshojnë nga njëri – tjetri. Tani, kjo do të thotë që ky njeri, në derën e Gjykatës, me sinqeritetin e tij tregon atë se çfarë ka ndodhur vërtet në zgjedhjet e 2017-s, gjë që po vërtetohet. Kemi edhe një kryeministër që për përdhunimin e një vajze, edhe bërtet, edhe kanos, edhe ulëret, edhe kërcënon punonjësin, apo viktimën tjetër të radhës që vjen për shkak të kësaj. Kemi një vajzë e cila ka denoncuar tre herë në polici përdhunimin.

A ka Prokurori që merr në shqyrtim kryeministrin për fjalët që thotë? Ka fjalë shumë herë më të rënda nga ju apo edhe nga partitë e tjera politike për të…

Ju vendosni fjalinë e z. Rama dhe vendosni sharjet dhe fyerjet e deputetëve në Parlament. Janë dy gjëra të ndryshme. Është tjetër të shash e të fyesh, dhe komplet tjetër të kërcënosh. Në Parlament e kemi me ligj ne që edhe mund të shajmë njëri – tjetrin.

Znj. Kryemadhi, çfarë kërkoni konkretisht nga Prokuroria?

A ka thënë kryeministri që: do ta ndjek këmba – këmbës? Po e ka thënë. A është normale kjo?

Po edhe ju i keni thënë Kryeministrit që është i lidhur me bandat… A nuk është e njëjta gjë?

Jo, sepse unë nuk kam kërcënuar asnjë punonjës policie, që do ta ndjek këmba – këmbës për denoncimin që ka bërë.

Një punonjës policie i larguar, i dezertuar…

Një punonjës policie i larguar për shkak të kërcënimeve.

Kërcënime për të cilat mësohet se ai kishte vënë në dijeni edhe Presidentin e Republikës, Ilir Meta më datë 14 shtator, dhe nuk ka marrë asnjë përgjigje…

Unë këtë nuk e di, sepse nuk e di ku ka qenë Ilir Meta më 14 shtator. Nuk e di ku ka qenë, por di të them këtë për ato që kam dëgjuar nga zoti Emiljano Nuhu. E para, një njeri që denoncon prokurorinë për kërcënimin që i bëhet dhe në polici, njofton shefin e tij jam kërcënuar në lokal nga personi në fjalë, apo tjetri, tjetri se nuk e mbaj mend emra. E dyta, dhe ky ikën jashtë shtetit, pra largohet për shkak të kërcënimit dhe cënimit të sigurisë së tij dhe familjes së tij, largohet nga Shqipëria dhe bën denoncimin. Tani këtu nuk është problem që problem i gjithë kësaj historie është Emiljano Nuhu. Po ju them një njeri që denoncon që jam kërcënuar dhe institucioni i tij dhe shefi i tij, pra shefi i komisariatit, drejtori i policisë, Presidenti, Kryeministri dhe ato që i vendosni në një qese bashkë nuk e marrin përsipër për ta mbrojtur, jo vetëm që nuk i japin të drejtën apo edhe qoftë për të investiguar, nëse ka ndodhur ngjarja apo nuk ka ndodhur. Apo qoftë edhe për ta vërtetuar, për ta thirrur vajzën, viktimën., zonjë e ke bërë nga xhelozia, apo e ke bërë nga dashuria, apo e ke bërë se ke qenë vetë viktimë. Pra indiferenca e kësaj gjëje i vuri një kapak, zotëria pasi është kërcënuar është larguar dhe ka bërë denoncimin, tani problemi këtu është retorikë politike. Ky zotëri ikën dhe largohet, ne këtë e quajmë kriminel, ndërsa ky që e ka djegur me cigare në trup vajzën nuk është kriminel. Këta që nuk i kanë pranuar denoncimin zotërisë dhe nuk kanë reaguar nuk janë kriminelë, këta që i kanë mbuluar dosjet apo denoncimet nuk janë kriminel, ky që e ka denoncuar është kriminel. Në qoftë se ky është standardi që ju quani se kriminel është ai që denoncon dhe viktima apo i dhunuari quhet ai që mbulon dhe fsheh, atëherë jemi në qëndrime të kundërta dhe quajeni mendimin tim retorik. Përsa i përket logjikës njerëzore, këtu un qëndroj se qoftë problemi i medias, qoftë i politikës, qoftë i drejtësisë nuk qëndron më dhe ajo çfarë ndodh tek fatkeqësia, tek ngjarja, tek sjellja, por këtu qëndron se si të krijojmë një telenovelë politike për të larguar dhe tërhequr vëmendjen e opinionit publik. Nëse ky person paska gënjyer, pse u arrestua djali deputetit. Një polici që fsheh krimin është dy herë e inkriminuar, nëse një prokurori që fsheh krimin dhe nuk përballet me krimin është përsëri dy herë më e inkriminuar, janë më të inkriminuar se kriminelët sepse janë bërë shkak për mbulimin e krimit.

Dy gjysmagjela të opozitës të shpërndarë më paskan kallëzuar në Prokurori në emër të heroit të filmit Babale 2. I falënderoj dhe plotësisht gati të hetohem, duke pritur me durim që Prokuroria t’i nxjerrë fundin të dy Babaleve, ndërkohë që puna për Paketën Antishpifje vazhdon. Dy gjysmagjela ju quan znj.Kryemadhi…

Por gjysma e gjelit bënte flori, mos e harroni z. Fervizu, tek përralla. E dinë të gjithë shqiptarët, gjysma e gjelit bënte flori. Kështu që edhe këta dy gjysma gjelët, mos kini merak, plotësojnë njëri tjetrin, do bëjnë një gjel së bashku dhe do ja nxjerrin sytë Edi Ramës. Po të ishte Edi Rama i pafajshëm, nuk e bënte atë status.

Ç’domethënë po të ishte i pafajshëm? Ai është tallur me ju..

Ai e di shumë mirë që paditjet mbeten në Prokurori. Ikën Arta Marku, vjen një Arta Marku tjetër. Deri dje, kanë kaluar me qindra prokurorë.

Padi politike për kanosje, znj Kryemadhi janë gjithë këto vite, dhe ju keni shumë vite në politikë. Asnjë padi të partive politike, nuk i ka marrë Prokuroria fare..

Atëherë? Vijmë tek fjala që kemi thënë ne. Reforma në Drejtësi ka dështuar. Sepse të parët ju nuk e besoni drejtësinë.

Reforma në Drejtësi nuk ka mbaruar..

Jo, jo nuk ka mbaruar dhe nuk ka për të mbaruar me këtë ritëm që ka. Ju thatë që çdo padi që kanë ngritur politikanët, nuk ka shkuar në drejtësi. Atëherë unë po marr argumentin tuaj. Po them unë besoj tek Reforma në Drejtësi dhe po bëjmë padi në Prokurori. Prokuroria do hapë hetim për Edi Ramën do e besoj reformën. Nëse nuk do hapet, atëherë Reforma ka dështuar. I kemi të dyja rastet

Znj. Kryemadhi, akuza ndaj Ramës është akuzë politike, jo tek besimi tek Drejtësia..

Jo, jo akuza ndaj Ramës është sepse ne sot kemi nevojë për shtet jopolitik, për administratë jopolitike, polici jopolitike. E di çdo të thotë shtet. Të dijë të sillet me qytetarët, si me Monikën, si me hallexhiun që është përjashta, si me djalin e Monikës dhe atë të hallexhiut.

Si kur është sjellë ndonjëherë në këto 30 vite..

Se ne kemi 30 vite që jemi në tranzicion z. Fevziu. Kemi 30 vjet që drejtohemi nga një grup njerëzish, një pjesë e saj jemi dhe ne, që për hir të së vërtetës jemi sa një fshat i vogël. Ne njihemi me njëri tjetrin.

Prokuroria ndjek penalisht për fjalën..

Jo, jo ja ta them unë çështjen padinë penale që kemi bërë ne për Edi Ramën për çështjen e thirrjes që u bëri policëve për të dalë në fushatë zgjedhore. E dini ju pse e ka mbyllur prokurori çështjen? Sepse z. Rama ka kërkuar falje në Facebook dhe ne e marrim të mirëqene. Domethënë, sipas kësaj Prokurorie, ti mund të vrasësh, i fut një të falur në Facebook, dhe prokuroria të thotë meqenëse ti kërkove falje, po të fal.

Pse i bëni kallëzimet kur e keni të qartë se çfarë po ndodh?

Për t`ju treguar juve dhe të gjithë atyre që besojnë në Reformën në Drejtësi që ajo ka vdekur pa lindur. Është problem shumë i madh. Ju jeni shumë të çuditshëm. Kur bëj padi, thoni pse bëni padi. Kur nuk bëj padi, thoni pse nuk bëni padi? A mund të më thoni ju ku të qëndrojë?

Ka një lloj kontradiksioni se deri tani keni thënë që kjo drejtësi është e kapur, dhe prapë shkoni në Prokurori..

Po se unë dua të vërtetoj ty sepse ti nuk më beson mua që unë them se kjo drejtësi është e kapur. Ti thua nuk është e kapur. Kjo Prokurori është e kapur. Ti merr, fut brenda dhe bën deklarata ku u arrestua dhe u ndalua filani, masë për këtë, masë për atë, për një certifikatë, një gjë tjetër, apo një 500 lekësh pse nuk janë paguar dritat. Ndërsa, për këtë Kryeministri, i cili bën thirrje publike hapur dhe zyrtare, kanosje për shkak të detyrës.

E ka bërë këtë për Zaganin dhe s`keni reaguar fare..

E kemi bërë. Për Zaganin nuk ishim shumë të vëmendshëm, tani jemi. Është problem i madh me ju.

Keni qenë në qeveri në atë kohë ju.

Zagani, se besoj se kemi qenë në qeveri ne kur ka dalë. Unë nuk kam qenë në qeveri dhe prandaj nuk e mbaj mend

Emiliano Nuhu ka reaguar dhe ndaj Presidentit të Republikës dhe nuk ka marrë asnjë përgjigje as nga Presidenti….

Siç mund të pyesni z.Basha, z. Rama për Presidentin të njëjtën gjë mund të më pyesni dhe mua për Presidentin. Madje kam përshtypjen se z. Rama di më shumë në lidhje me Presidentin sesa di unë. Ai është kryeministër, ai është President.

Kanë kontakte?

Besoj se po, mbaj kësaj marrëveshje, ç’dëgjuam për detin dje te Zëri i Amerikës, besoj se kanë kontakte.

Znj.Kryemadhi a keni një përgjigje për Ramën që ju quan gjysmagjel?

Thashë, gjysmagjelat bëjnë flori.

Në përrallë znj.Kryemadhi…

Po dhe ai në përrallë jeton, ka ndërtuar një lloj realiteti virtual ku ne fakt viktimat e këtij realiteti janë shqiptarët dhe dëmin më të madh ia ka bërë ai Shqipërisë dhe po vazhdon ta bëjë çdo ditë e më shumë. Sigurisht përralla e tij nuk do mbarojë me fundin e lumtur sepse në çdo përrallë fiton populli nuk fiton asnjëherë mbreti. Përralla e tij do të këtë një fund shumë të hidhur për të por shqiptarët do fitojnë. Do të ketë kosto sigurisht.

Sali Berisha deklaroi këtu në studio se Rama nuk mundet në zgjedhje, ndani të njëjtin mendim?

Nuk ndaj pothuajse të njëjtin mendim me Doktorin, nuk e mendoj këtë gjë. Doktori ka shumë arsye për ta menduar, për vetë faktin duke parë sesi institucionet e shtetit janë të kapura, shteti ka rënë përballë krimit. Pra njerëzit tashmë do ta bëjnë shtetin vetë sepse vetëm duke u sjellë në këtë mënyrë mund të vendosin disa balanca të cilat janë prishur. Unë mendoj që sot, zgjedhjet Edi Rama le t’i bëjë po të jetë aq trim fiton opozita e bashkuar. Pse? Sepse sot opozita është mazhorancë numerike.

Znj.Kryemadhi unë nuk jam aspak dakord me gjuhën e kryeministrit por ka një problem, Emiliano Nuhu kur bëri deklaratën kaloi përtej rastit psh në fund të intervistës thoshte “Ky deputet financohet, ka 3 milionë euro nga bandat, është financuar nga fushata etj…

Për Taulantin?

Për Taulant Ballën por kushdo të jetë nuk ka rëndësi…

Ai është perceptimi i opinionit publik në Elbasan po të pyesësh sot të gjithë elbasanllinjtë atë thonë.

Nga fundi i deklaratës sikur u mor pak me fushatën zgjedhore dhe këto janë deklarata politike që nuk i takonin. Dhe në këtë kuptim reagimi i kryeministrit është bërë politik

Të jemi të sinqertë, për ju ka rëndësi deklarata në total e Emiliano Nuhut që dashje pa dashje mund të fusë gjërat e veta politike apo ka rëndësi denoncimi që ai i bën këtij krimi. A ka ndodhur dhuna? Mua kjo gjë më mjafton të tjerat nuk më interesojnë.

Të tjerat nuk më interesojnë. Unë nuk mund të merrem me çdo Emiljano Nuhu që ka qenë apo s’ka qenë, nuk më intereson a ka qenë apo s’ka qenë Taulant Balla, por ama ngjarja ka ndodhur?

Znj. Kryemadhi ju keni informacion. Ka qenë apo nuk ka qenë Taulant Balla sipas jush?

Unë nuk jam as punonjëse e policisë që të kem qenë prezent aty dhe ta vërtetoj…

E beson atëherë?

Do ta besoja nëse Prokuroria e Shqipërisë do të merrte të dhënat e gjendjes së celularit të Taulant Ballës.

Ju nuk jeni e bindur që ka qenë Taulant Balla?

Nga një informacion që më ka dhënë më ka thënë që kam qenë diku tjetër. Për mua është tjetër tabulati, është tjetër tabela e celulës së celularit. Mos të merremi me këtë gjë. Ty si gazetar s’të intereson të bësh politikë, ndërsa mua si politikane më intereson. Ky krim është fshehur apo nuk është fshehur? Është fshehur krimi! Në rast se ne do të besojmë dëshminë e duhur, do ta besojmë kur ta marrim atë të plotë. Pra Nuhu thotë që kjo vajza është dhunuar dhe thotë që më erdhi në zyrë, pra e thotë si dëshmi të tijën, Taulant Balla, Rrahman Rraja, Artur Bushi, etj, etj. Pra ose të besojmë të gjithë dëshminë e tij, ose deklarojnë të gjithë dëshminë e tij. Sepse ai thotë që e kam parë me sytë e mi. Atëherë Taulant Balla s’ka qenë aty, këtu ka një problem shumë të madh pastaj.

A keni ju dyshimet tuaja mbi këtë ngjarje?

E kapim në dy aspekte të ndryshme. E kapim në aspektin njerëzor? Harrojmë që jam kryetarja e LSI dhe e kapim në aspektin njerëzor. Secilit nga ne i ndodh një gjë kolegut të vet dhe djalit, do ta torturojë për të marrë vesh se çfarë ndodhi. Është kështu? Dhe nuk ka asgjë të keqe, të jemi të sinqertë. Të gjithëve u ndodh diçka, përplasen me makinë, u ndodh një aksident, kanë një prind sëmurë, kanë një fëmijë sëmurë, të gjithë vrapojmë për te shoku, te miku, etj për ti dhënë një ndihmë. Dhe presupozojmë që kjo mund të ketë ndodhur. Vijmë në një anë tjetër. Nëse ngjarja ka ndodhur. Nëse ngjarja ka ndodhur dhe presupozohet që janë fshirë të gjitha materialet, kjo është shumë e rëndë. Por ne dimë mundësinë dhe Prokuroria e Tiranës, apo Prokuroria e Përgjithshme, e kanë mundësinë për të vërtetuar nëse ka qenë apo s’ka qenë Balla.

Por është e kapur Prokuroria…

Mirë pra unë po them që të tregojë që nuk është e kapur tani. Tani n.q.s. ajo është e kapur, unë nuk e diskutoj fare këtë gjë dhe po të them, nuk e njoh, nuk e bëj, nuk fol. Unë po pretendoj që të arrijmë ti vërtetojmë opinionit publik dhe ndërkombëtarëve dhe të tjerëve që mendojnë që kanë bërë një Reformë në Drejtësi, kanë harxhuar disa miliona euro për ta realizuar këtë Reformë në Drejtësi, dhe për të dhënë argumentimin që kjo reformë ka dështuar.

Pse e them këtë? Sepse kjo Prokurori e sotme, me të gjithë teknologjitë e mundshme…

Aarta Marku tashmë është suksesi i Reformës në Drejtësi. Ju po thoni që Arta Marku u bë prokurore e ndershme? Unë po ju them nëse kjo Prokurori është e pakapur, e ka shansin për të vërtetuar nëse z. Balla…

Kjo Prokurori nuk është aq e kapur saç ishte e para.

Tani është e kapur apo është e pakapur? Cili është këndvështrimi juaj?

Kjo Prokurori është aq e kapur saç ishte edhe e para, sepse është një Prokurori politike e zgjedhur nga mazhoranca dhe prokurori i parë ishte i zgjedhur nga mazhoranca.

Tani dakord, unë po artikuloj publikisht sot që nëse një prokurore, nëse ka dëshirë për ta zbardhur këtë çështje, që është e kapur nga mazhoranca dhe do të tregojë që nuk është e kapur, e ka mundësinë për të vërtetuar nëse z. Balla ka qenë apo nuk ka qenë në komisariat. Nëpërmjet antenave të celularit dhe jo tabulateve, se ti mund të flasësh nga çdo vend i botës me tabulatet, dhe nuk dihet kush të ka marrë dhe kë ke marrë, por nëpërmjet antenës së celularit, nëpërmjet telefonatave gjendet vendndodhja e z. Balla. Kjo është në të qindtën e sekondës. Dhe nëse kjo do ishte e mundur z.Balla e ka mundësinë se gruaja e vetë i punon të T-Mobile, ish AMC e dikurshme. Ashtu i marrin vendndodhjet dhe për të tjerë, siç i marrin për ty për mua kur duan të na gjejnë, i marrin nëpërmjet punonjësve të tyre.

Kush ndjek kë?

Mos mendo se nuk ndiqemi.

Ju ndjekin?

M:Sigurisht që me ndjekin. Dhe unë nuk e kam problem sepse nuk kam asgjë të fshehtë. Struktura të shtetit, struktura kriminale. Pse gjatë fushatës zgjedhore nuk jemi ndjekur ne? Problemi është që ne anormaliteti na është kthyer në normalitet.

Kjo që thoni është tronditëse…

M:Jo nuk është tronditëse z.Vangjeli se kjo është reale sot. Sepse ne kemi akoma të pa përfunduar çështjen e makinerisë së përgjimit që futi Saimir Tahiri në Tiranë. Dhe sot e kësaj ditë vazhdon të rrijë makineria në ambasadën italiane për të mos u zbërthyer, se çfarë ka përgjuar dhe kë. Ne kemi historinë e përgjimit të aparaturës së ministrisë së mbrojtjes. Pra kanë ndodhur kaq shumë gjëra dhe gjithë kje periudhë e gjatë e tranzicionit shqiptar ka krijuar që anormaliteti është kthyer në normalitet. Çfarë mund të bëjmë ne? Ne mund të bëjmë maksimumin për ta ndryshuar dhe të kthehet të paktën në një normalitet që na takon në momentin ku jetojmë dhe vendin ku jetojmë.

Znj.Kryemadhi, për të mbetur pak te çështja Xhisiela, ju politikisht, opozita mund të ishte treguar pak më e kujdesshme. Pse nuk impenjoheni që ti siguroni jetën kësaj vajze. Sepse dolët direkt duke dhënë emrin dhe mbiemrin e plotë të asaj vajze. Mund të ishte vepruar ndryshe që dhe ajo të ishte më e lirshme?

Që të jem e sinqertë me atë që thoni ju, kjo ka një lloj mundësie që vajza po të ishte marrë në mbrojtje dhe më pas të ishte bërë denoncimi, ne do të kishim dhe teatrin e radhës që ajo e shkreta, ai burri botës me pistoletë në brez dhe iku u arratis dhe pastaj foli, jo më ajo një jetime pa vëlla pa baba do të dilte dhe mbronte veten e saj. Nëse e mbani mend deklarata e parë e imja ka qenë: I bëj thirrje policisë së shtetit ta marrë në mbrojtje vajzën sepse do ishte shumë e rëndësishme që kjo vajzë të merrej në mbrojtje nga Policia e Shtetit mos ta linte në mënyrë të tillë që ajo të gjezdiste në ekranet televizive. Pra nëse denoncuesi Emiliano Nuhu bëri gabim, në si opozitë bëmë po themi prapë një gabim taktik dhe përmendëm emrin e saj në deklarata, ishte Policia dhe Prokuroria që janë më të specializuara se politikanët për të mbajtur dëshmitarët në mbrojtje dhe mund ta merrnin vajzën. Por atyre nuk u ka interesuar për ta marrë vajzën në mbrojtje sepse duke e marrë vajzën në mbrojtje ajo nuk do të kishte mundësinë më për të bërë xhiron e radhës nëpër televizione. Që për mua ishte shumë e rëndë. Sepse mënyra sesi u përdor ajo ishte dhunim për së dyti dhe nga shoqëria civile. Kemi mbi 15 vjet që dëgjojmë shoqëri civile për dhunën ndaj grave, në seminare luksoze etj.

Po Aleanca e grave Deputete çfarë beri në këtë rast?

Dolën, Aleanca e Grave, pjesa e opozitës, dolën përballë kryeministrit për ti bërë thirrje.

Pse nuk vajtët në Parlament?

Në cilin parlament? Doni të bëjmë shaka? Parlament si teatër kukullash.

Znj. Kryemadhi brenda kësaj ngjarje që ka qenë tronditëse për opinionin publik kanë qenë dy gjëra. E para ka qenë ngjarja e vajzës pra denoncimi, mosveprimi i shtetit, drejtësia selektive për djalin e deputetit dhe e dyta ka qenë përfshirja e Kryetarit të Grupit Parlamentar të PS në këtë ngjarje. E para për ngjarjen, pse ka ndodhur sipas jush kjo gjë?

Ngjarja nuk është surprizë sepse ne kemi kohë që denoncojmë dhunën, presionet që iu bëhen njerëzve. Sot doli dhe u bë, ky është njëri nga mijërat e rasteve që kanë ndodhur. Po diku flasin, diku nuk flasin. Kjo është një gjë që ne e kemi thënë dhe e kemi përsëritur dhe ja ku jemi. Se çfarë ka ndodhur? Faktikisht çfarë ndodh dhe ajo që të irriton më shumë sepse ne merremi ndoshta me një celulë të vogël të ngjarjes, të krimit por faktikisht kjo është gjëja. Mënyra se si funksionon e mënyra se si vepron, çfarë ka ndodhur? Ka ndodhur që tashmë nuk kemi një Parti Socialiste që drejton, që është mazhorancë, kemi një celulë kriminale me emrin Rilindja, e cila ka marrë pushtetin.

Reagimi ndaj oficerit ishte për gjithë strukturat e shtetit. Ai i kishte drejtuar një letër të gjithëve dhe askush nuk i ishte përgjigjur..

Strukturat e shtetit ne e dimë shumë mirë kush i drejton Fevzi. Më merr një ministër shqiptar sot që nuk funksionon me mesazh nga Edi Rama për çdo gjë? Më gjej një ministër shqiptar sot, që për çdo firmë që hedh në letër, duhet të marrë Ok nga Edi Rama.

Xhafa..

Atë se di, po ndenji edhe shumë gjatë. Ishalla nuk e zëvendëson me seksin femër.

PD thotë që Xhafa është me Ramën. Ke qëndrim të ndryshëm nga Partia Demokratike për çështjen Xhafa..

Unë besoj se ju dini ta kapni informacionin, nuk e lexuat. Ajo që është e rëndësishme, çfarë ka ndodhur? Këta njerëz dhunojnë, vrasin, përdhunojnë dhe u mbyllin gojën njerëzve. Dhe çfarë ka bërë Rama? Rama u ka dhënë licencën këtyre bandave, të cilët çdo 4 vjet të dhunojnë, të vjedhin, të vrasin, të përdhunojnë dhe tu mbyllin gojën njerëzve. Taksa që ata paguajnë për licencën e tyre është dita e zgjedhjeve. Këtë bandë që ai fuqizon, i lë 4 vjet të punojnë tokën dhe tu marrin të korrat tokës së tyre, hapësirave dhe territoreve të tyre, dhe ditën e zgjedhjeve këto banda janë në funksion të Edi Ramës dhe qendrave të votimit dhe në grupet e interesit.

Në 4 vjet bashkë me ju..

Me ne jo, duhet të bëjmë një emision tjetër po të flasim për 4 vjeçarin me ne.

Letra e nënkomisar Nuhut që i drejtohet Ilir Metës, Edi Ramës, Arta Markut dhe tek Kryeministri vetëm Ardi Veliu mund të ketë ndikim. Mbi Presidentin nuk besoj që të ketë ndikim në sms, as tek prokurori i përgjithshëm..

Kush nuk ka?

Kryeministri. Askush nuk i çon sms Ilir Metës dhe i thotë bëj kështu besoj..

Di të them që më 14 shtator Ilir Meta nuk ka qenë në Shqipëri. Po them nga mungesa familjare që ka pasur, pastaj pjesën tjetër nuk e di. Pastaj ka ikur në Amerikë dhe nuk e di a e ka marrë letrën. Megjithatë, këshilltarët e tij merren me këtë.

Nuk mu duk e besueshme tha Meta.. Kështu e dëgjova unë

Jo, jo nuk th ashtu z. Meta. Ashtu e shpërndau propaganda e Edi Ramës që nuk mu duk e besueshme. Z. Meta e tha në konotacionin që është e pabesueshme që mund të ndodhë kjo. Kjo është e vërteta e saj. Nuk ndodh në asnjë shtet normal, që një nënkomisar policie të denoncojë dhe të mos reagojnë institucionet e tjera, kjo nuk është normale. Se ne po reagojmë për një njeri në rrugë, që na kap dhe thotë më ndihmo..

Znj. Kryemadhi të gjithë institucionet duhet të reagonin..

Po pra dhe duhej rrëzuar ky shtet, ky shtet i krimit. Prandaj, duhet rrëzuar dhe ndërtuar.

Jo, unë e kisha për Presidentin..

Çfarë do bëjë Presidenti? Mos më pyet mua për Presidentin, të vijë ai vetë dhe ta sqarojë ai këtë këtu. Unë nuk kam asnjë lloj qëndrimi.

E keni pyetur këto ditë Presidentin pse nuk ka reaguar?

Për hir të së vërtetës, nuk e kam takuar sepse e përmenda, unë kam qenë në Përrenjas kur ai ka ardhur nga SHBA. Por, të jesh i bindur që në aspekte politike, mbajmë të dy qëndrime të kundërta për sa i përket denoncimit dhe këndvështrimeve politike.

Ndërkohë, vetë vajza ka deklaruar që nuk ka më çështje,,

Unë vajzën nuk e quaj më në këtë çështje. E quaj që vuan nga sindroma e Stokholmit, që dashurohet me dhunuesin e vet kështu që ajo është dashuruar dhe me Edi Ramën dhe me atë. Është peng, mos u merrni më me atë. Ajo nuk është më e besueshme për asgjë. Si rasti i kësaj vajze, ka pafundësisht. Pra, kemi një qeveri, ku unë besoj që nuk ka deputet që thotë jemi pro dhunës në familje, ku majtas djathtas, kemi votuar në unanimitet për ndryshimin e procedurës të kodit të familjes. Këtu duhet parë nëse kjo mazhorancë do e mbulojë këtë dhunë. Tani vijmë në rastin tjetër, ajo që mua më intereson është pse irritohet Edi Rama kur bëhen denoncime. Qoftë se ky djalë është i pafajshëm, të thotë bravo shumë mirë. Edi Rama çfarë kërkoi. Do të ndjekë këmba-këmbës, more horr. Larg qoftë, na ndodh neve se kemi njerëz, fëmijë, kushërinj, çfarë do bëjmë? Do dal t’i them atij që po e denoncoj? Jo. Ta marrë drejtësia prandaj them që ajo që e irritoi Edi Ramën më shumë, që u agravua dhe kërcënoi dhëmbët ndaj Emiljano Nuhut dhe jo vetëm ndaj Emiljano Nuhut, por ndaj çdo punonjësi policie i cili ka parë dhe dëgjuar, i cili ndihet i kërcënuar, ndihet i frikësuar dhe shprehet, ai i kërcënon haptas që ju po folët unë do ju heq qafe dhe gjuha e Edi Ramës ishte gjuhë e koduar për bandat që hiqeni qafe dhe këtu dekonspirohet vendndodhja e personit dhe ishte më se e qartë që u dha sinjali shkoni dhe hiqeni qafe. A i denoncoi bariu në Tepelenë fushat me kanabis dhe pas 5 ditësh u gjend me plumb në ballë, me snajper e vranë, nuk u vra as nga ujqërit, as nga ujkonjat, as nga çakejtë, as nga sëpatat se ju fut në kullotat e veta, por u vra me snajper.

Kjo është një ngjarje shumë e rëndë, realisht, nuk është çështje dhune në familje, është problemi i një djali deputeti që nuk e njeh askush dhe e pamë që nuk dinte të fliste në publik, që nuk di të lidhë dy fjalë, që ka një djalë bandit, i cili dhunon femra dhe për çfarë arsye i dhunon edhe i gjithë fisi i tij dhe zbulohet një mekanizëm që ata janë marrë aty për atë që thatë ju, pra për të fituar zgjedhjet, Çështja është kjo që pasi janë denoncuar këto raste, çfarë do të bëjë opozita, se ju jeni Kryetare i një partie të rëndësishme në opozitë, do prisni që ta zgjidhi prokuroria duke bërë padi apo kjo do të ndikojë që ju të ndërmerrni një qëndrim të ri si opozitë për të bërë çfarë….

Kjo që thoni ju është shumë e vërtetë, duke qenë se situata është dramatike, por jo dramatike por tragjike dhe jo tragjike për jo vetëm nga ana e krimit dhe sigurisë por është tragjike edhe për shkak të ekonomisë, sepse të gjitha gjërat vijnë si rezultat i mungesës dhe i pavarsisë ekonomike së njerëzve ndaj shtetit dhe bandave, ndaj shoqërisë apo edhe ndaj individëve të caktuar. Sepse sa më i varfër të jesh, në qoftë se një bandit një kriminel të paguan me dhjetëfishin e rrogës atëherë ti do ti bindesh atij. Policët sot paguhen shumë, shumë pak për hir të së vërtetës, por jo vetëm policët por edhe prokurorët edhe gjykatësit.

Zonja Kryemadhi ju çfarë do të bëni për tu përballur me këtë sistem?

Kjo ngjarje ndikon në sensibilizimin e opinionit, por për herë të parë kemi të gjitha partitë e frontit opozitar të gjithë së bashku. Rasti i Fushë-Krujës është një rast që shkakton pasiguri tek njerëzit tek familjarët për vajzat e tyre. Kemi një opinion masiv që nuk beson tek politika dhe mungesa e besimit dhe e shpresës është shumë e madhe. Detyra jonë si opozitë është të dalim dhe të flasim, njerëzit panë një opozitë që bëhet alibi e Edi Ramës dhe e mazhorancës së tij në parlament, shef njeh opozitë që voton reformën në drejtësi dhe drejtësi nuk ka, voton vettingun në polici dhe vetting në polici nuk ka. Të tjerat nuk më interesojnë. Unë nuk mund të merrem me çdo Emiljano Nuhu që ka qenë apo s’ka qenë, nuk më intereson a ka qenë apo s’ka qenë Taulant Balla, por ama ngjarja ka ndodhur?

Znj. Kryemadhi ju keni informacion. Ka qenë apo nuk ka qenë Taulant Balla sipas jush?

Unë nuk jam as punonjëse e policisë që të kem qenë present aty dh eta vërtetoj…

E beson atëherë?

Do ta besoja nëse Prokuroria e Shqipërisë do të merrte të dhënat e gjendjes së celularit të Taulant Ballës.

Ju nuk jeni e bindur që ka qenë Taulant Balla?

Nga një informacion që më ka dhënë më ka thënë që kam qenë diku tjetër. Për mua është tjetër tabulati, është tjetër tabela e celulës së celularit. Mos të merremi me këtë gjë. Ty si gazetar s’të intereson të bësh politikë, ndërsa mua si politikane më intereson. Ky krim është fshehur apo nuk është fshehur? Është fshehur krimi!

Në rast se ne do të besojmë dëshminë e duhur, do ta besojmë kur ta marrim atë të plotë. Pra Nuhu thotë që kjo vajza është dhunuar dhe thotë që më erdhi në zyrë, pra e thotë si dëshmi të tijën, Taulant Balla, Rrahman Rraja, Artur Bushi, etj, etj. Pra ose të besojmë të gjithë dëshminë e tij, ose deklarojnë të gjithë dëshminë e tij. Sepse ai thotë që e kam parë me sytë e mi. Atëherë Taulant Balla s’ka qenë aty, këtu ka një problem shumë të madh pastaj. A keni ju dyshimet tuaja mbi këtë ngjarje?

E kapim në dy aspekte të ndryshme. E kapim në aspektin njerëzor? Harrojmë që jam kryetarja e LSI dhe e kapim në aspektin njerëzor. Secilit nga ne i ndodh një gjë kolegut të vet dhe djalit, do ta torturojë për të marrë vesh se çfarë ndodhi. Është kështu? Dhe nuk ka asgjë të keqe, të jemi të sinqertë. Të gjithëve u ndodh diçka, përplasen me makinë, u ndodh një aksident, kanë një prind sëmurë, kanë një fëmijë sëmurë, të gjithë vrapojmë për te shoku, te miku, etj për ti dhënë një ndihmë. Dhe presupozojmë që kjo mund të ketë ndodhur. Vijmë në një anë tjetër. Nëse ngjarja ka ndodhur. Nëse ngjarja ka ndodhur dhe presupozohet që janë fshirë të gjitha materialet, kjo është shumë e rëndë. Por ne dimë mundësinë dhe Prokuroria e Tiranës, apo Prokuroria e Përgjithshme, e kanë mundësinë për të vërtetuar nëse ka qenë apo s’ka qenë Balla.

Por është e kapur Prokuroria…

Mirë pra unë po them që të tregojë që nuk është e kapur tani. Tani nqs ajo është e kapur, unë nuk e diskutoj fare këtë gjë dhe po të them, nuk e njoh, nuk e bëj, nuk fol. Unë po pretendoj që të arrijmë ti vërtetojmë opinionit publik dhe ndërkombëtarëve dhe të tjerëve që mendojnë që kanë bërë një Reformë në Drejtësi, kanë harxhuar disa miliona euro për ta realizuar këtë Reformë në Drejtësi, dhe për të dhënë argumentimin që kjo reformë ka dështuar. Pse e them këtë? Sepse kjo Prokurori e sotme, me të gjithë teknologjitë e mundshme… Arta Merku tashmë është suksesi i Reformës në Drejtësi. Ju po thoni që Arta Marku u bë prokurore e ndershme? Unë po ju them nëse kjo Prokurori është e pakapur, e ka shansin për të vërtetuar nëse z. Balla…

Kjo Prokurori nuk është aq e kapur saç ishte e para.

Tani është e kapur apo është e pakapur? Cili është këndvështrimi juaj?

Kjo Prokurori është aq e kapur saç ishte edhe e para, sepse është një Prokurori politike e zgjedhur nga mazhoranca dhe prokurori i parë ishte i zgjedhur nga mazhoranca.

Tani dakord, unë po artikuloj publikisht sot që nëse një prokurore, nëse ka dëshirë për ta zbardhur këtë çështje, që është e kapur nga mazhoranca dhe do të tregojë që nuk është e kapur, e ka mundësinë për të vërtetuar nëse z. Balla ka qenë apo nuk ka qenë në komisariat. Nëpërmjet antenave të celularit dhe jo tabulateve, se ti mund të flasësh nga ccdo vend i botës me tabulatet, dhe nuk dihet kush të ka marrë dhe kë ke marrë, por nëpërmjet antenës së celularit, nëpërmjet telefonatave gjendet vendndodhja e z. Balla.

Znj. Kryemadhi, mendoni vërtet që atje ka qenë Taulant Balla me pistoletë në kokë? Sepse unë gjykoj që nëse Taulant Balla ka dashur të ndikojë, mund të bënte një telefonatë, sepse e kanë këtë pushtet…

Mua nuk më intereson fare a ka qenë apo jo Taulant Balla aty. Telenovelat që përdor Edi Rama mund të nxjerrin në thelb problemin që ka sot Shqipëria, rënien e shtetit, të Policisë së Shtetit, të Prokurorisë, së të gjithë piramidës shtetërore. Ore a ka ndodhur ngjarja? Është fshehur? Çfarë doni më shumë? S’ka qenë Taulant Balla. Ka qenë në Taulant Ballë tjetër. A ka ndodhur që ky kryeministër ka dalë dhe kërcënon që do të ndjek këmba – këmbës? Po kjo ka ndodhur. Nuk e kuptoj se çfarë doni më shumë. Edi Rama jep mesazhin që ta përdorin të tjetër kallashnikovin. Nëse Taulant Balla është i pafajshëm i ka të gjitha mundësitë për ta vërtetuar që s’ka qenë në atë zonë. Unë jam këtu për t’u dhënë shpresë njerëzve se përse duhet rrëzuar ky njeri dhe së dyti për të denoncuar atë çka marr unë përsipër për ta bërë përsa i përket keqqeverisjes së z.Rama. Shqiptarët sot janë më të varfër.

Sapo më kanë sjellë një dokument që vërteton se në kohën kur ka ndodhur ngjarja z. Balla nuk ka qenë atje. Është një dokument ku zbulohet vendndodhja e çdo personi për shkak të qelizave të telefonit të tij, të cilat janë unike.

Nuk më intereson ka qenë apo s’ka qenë Taulant Balla aty. Ne këtu po merremi me lëvozhgën, jo me atë që ndodhet brenda saj. Tani, ky zotëria meqenëse thotë që është i pafajshëm, a mund të bëjë një deklaratë në emër të Grupit Parlamentar socialist dhe të distancohet nga dhuna ndaj kësaj vajze?