Monika Kryemadhi: Protesta e 27 Janarit është vetëm fillimi i betejës për rrëzimin e Edi Ramës

 

Deklarata për media e Kryetares së Lëvizjes Socialiste për Integrim, Monika Kryemadhi

Dal sot përpara mediave për të falenderuar çdo qytetar që protestoi të shtunën në shesh, çdo pensionist, të ri, të re, grua dhe burrë, intelektualë apo punëtorë, të cilët u ngritën mbi frikën e pushtetit të Edi Ramës dhe dolën përpara godinës ku gatuhet krimi dhe korrupsioni qeveritar për të dëshmuar se ky popull tashmë ka ndërgjegje qytetare. Falenderimi vjen dhe për ata mijëra të tjerë, që na ndoqën nga televizioni dhe rrjetet sociale, të cilët i bashkohen iniciativës sonë për të larguar Narkoqeverinë, e cila ka uzurpuar çdo gjë. Nesër do të jemi më shumë, sepse protesta jonë sapo ka nisur. Ajo është vetëm beteja e parë e një lufte pa kthim, deri në rrëzimin e klikës arrogante dhe të kriminalizuar të pushtetit të Edi Ramës. Më lejoni që gjithashtu të falenderoj të gjithë ata punonjës të Policisë Shqiptare të cilët qëndruan dhe bënë detyrën e tyre, e nuk u bën pre e provokimeve të qeverisë, të cilët herë pas here tentonin të provokonin turmën. Ashtu sikurse dënoj ato segmente të Policisë së Shtetit, të cilët ditën e shtunë tentuan të intimidonin dhe të presiononin protestuesit gjatë kthimit të tyre në shtëpi, duke i ndaluar dhe duke i mbajtur me orë të tërë në rrugët e Tiranës apo në rrugët e qyteteve të tjera. Do doja të falenderoja gjithashtu mediat, të cilat ishin prezent në të gjithë tregimin e vërtet të ngjarjes, dhe të kësaj proteste madhështore që në këto 27 vite nuk e kishte parë ndonjëherë këtë protestë Bulevardi “Dëshmorët e Kombit” përsa i përket pjesëmarrjes së saj. Dua të falenderoj gjithashtu të gjithë grupin organizator , të gjithë njerëzit e bën të mundur dhe e realizuan me sukses protestën e datës 27 Janar. Protesta e datës 27 Janar nuk është thjesht një parakalim përpara godinës ku gatuhet krimi në Shqipëri, por protesta e datës 27 Janar është një protestë për ti treguar Edi Ramës, dhe të gjithë atyre që e rrethojnë dhe e mbajnë  sepse sapo ka filluar beteja për ta rrëzuar atë. Është kjo betejë e cila tashmë nuk është më në dorë të opozitës, por është  një betejë që bën gjithë populli shqiptar kundër varfërisë, kundër pabarazisë së regjimit  të cilin ka ngritur Edi Rama, kundër mungesës së vendeve të punës, kundër emigracionit që po shtohet çdo ditë e më shumë, kundër kësaj klike e cila çdo ditë e më shumë po i varfëron ata. Protesta e ditës së shtunë është fillimi. E them është fillimi, sepse axhendën e opozitës nuk e bën më opozita, por do ta bëjnë shqiptarët. Është një axhendë e cila sapo ka filluar dhe nuk do të ndalet më deri në largimin përfundimtar të tij. Sot shqiptarët kanë vrarë frikën, të cilën Edi Rama në zgjedhjet e 25 qershorit instaloi në mendjet e tyre duke përdorur paratë e drogës për tu blerë votën dhe për të blerë pozicionimin e tyre politik, ashtu sikurse dhe shqiptarët e kuptojnë mjaft mirë që e keqja më e madhe që kanë dhe që ndalon integrimin europian të Shqipërisë, është vetëm një njeri dhe është vetëm një shkaktar, i cili është Edi Rama dhe krimi i organizuar.

Burimi:(integrimi.al/E.P)

al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al