Monika Kryemadhi: Rama është fajtori kryesor për situatën ku ndodhet vendi. I pari që duhet të largohet.

Intervista e Kryetares së LSI-së Monika Kryemadhi për emisionin “Tonight” të gazetares Ilva Tare në ORA NEWS

Do të jemi së bashku në këtë debat do ta konsideroja, si është LSI në raport me opozitën?

Unë nuk do ta quaja debat, më shumë do ta quaja si një bashkëbisedim, do ta quaja një tryezë ku të hedhim argumenta, dhe pse jo të japim dhe të marrim nga njëri tjetri, kur mendojmë që në këtë situatë që për hir së të vërtetës politika shqiptare ka nevojë për mendime të ftohta, jo për mendime të nxehta, mendoj që është shumë e domosdoshme që vetë politika të përfshihet në tryeza të tilla bashkëbisedimi për të dëgjuar dhe për të ndikuar sadopak në këndvështrimet apo strategjitë tona, me elementë të tjerë jashtë llogjikës politike, me elementë të tjerë të cilët në një këndvështrim tjetër e shikojnë situatën në pozicione të tjera. Pra kanë kënvështrime të ndryshme.

A është aktualisht LSI e hapur ndaj këtyre mendimeve?

Sigurisht që ëshët e hapur, sepse unë mendoj që nëse LSI nuk do të jetë një forcë politike e hapur atëherë ajo do të rrudhet dhe do të mblidhet rreth vetes së saj, do të ngelet në historinë e shkuar të atyre viteve. Është e vështirë për tu hapur, sepse është e vështirë për të qenë e besueshme te njerëz të tjerë, të cilët duhet ti afrohen LSI-së. Por ajo çka është më e rëndësishme është se çdo njeri që dëshiron të kontriboujë në LSI të ndihet I përfshirë, të ndihet pjesë përbërëse dhe të mos ndihet I ri apo I vjetër. Çdo njeri që kërkon të kontriboujë pranë LSI-së të ndihet pjesë përbërëse e saj. Vetë situata, të mos harrojmë që situata politike në Shqipëri, apo vet ambienti dhe tranzicioni politik që vazhdojnë ta kemi, njerëzit ndjejnë një neveri ndaj politikës, ndjejnë frikë për tu marrë me politikë. Ca për shkak të neverisë politike që është krijuar në këto vite, pra politikanët mendojnë për veten e tyre, janë kështu e janë ashtu, ca edhe për shkak të frikës, dhe të respresionit që ushtrohet  për ata që merren me politikë, ose që kanë një biznes të tyre etj.

LSI është e hapur, po intelektualë, njerëz nga shoqëria civile që duan ti bashkohen LSI-së, a ka?

Patjetër që ka. Ka jashtëzakonisht shumë. Ka shumë pedagogë, nga bota akademike që janë afruar. Por e kanë pak më të vështirë për tu përballur mediatikisht. Ne kemi shumë të rinj dhe të reja, që janë nga bota akademike, të shkolluar jashtë shtetit, të cilët kanë një këndvështrim tjetër, ndryshe, pra e shikojnë pak më soft debatin politik, ashtu sikurse kemi dhe shumë të tjerë që janë rritur në drejtim të agresivitetit, të luftës politike,  të përballjes. Këta ndoshta e kanë më të lehtë. Por megjithatë kjo është një ndërthurrje shumë e mirë.

A do ishte më mirë që të shkonte agresiviteti I politikës aktuale te racionaliteti I këtyre të rinjve?

Unë do mendoja që do ishte shumë më mirë racionaliteti I këtyre të rinjve dhe të rejave të cilët janë shkolluar jashtë shtetit, të shkonte te agresiviteti ynë politik, po vetë kushtet në të cilat ne jetojmë është e pamundur që kjo kulturës europiane e politikës shqiptare të bashkëjetojë me agresivitetin nga pala tjetër.

Kthehemi te politika e Tiranës. Protesta e 26 majit kaloi, opozita vazhdon marrëdhënien e kushtëzuar me parlamentin, z.Xhafa është ministër I Brendshëm, Edi Rama është kryeministër I vendit. Çdo bëni tani?

Unë nuk mendoj që problemi është z.Xhafa që është ministër i Brendshëm apo z.Rama është një kryeministër, I cili politikisht për mendimin tim është I rënë për shkak të vetë mosfunksionimit të institucioneve shtetërore. Këtë mund ta shikosh në disa aspekte, mjafton të shohim dhe impaktin që është në buxhetin e shtetit në mbledhjen e taksave, ashtu sikurse mund të shikosh dhe funksionimin e institucioneve shtetërore. Sot nëse do të duash të trokasësh në zyrën e një ministrie për të marrë një shërbim, nuk do ta kesh atë shërbim, sepse edhe sot e kësaj dite pas një viti qeverisje është shumë e vështirë për tu gjendur zgjidhje problemeve të qytetarëve. Mjafton të pyesësh qytetarë të ndryshëm, të cilët pohojnë se nuk gjejnë dot zgjidhje, siç dëgjuam para disa ditësh listën e 200 firmave të ndërtimit që nuk kanë legalizuar pallatet dhe nuk mund të marrim dot leje të tjera. Pastaj u ndryshua lista, u bë lista tjetër. Pastaj doli një listë tjetër e kështu me radhë. Ashtu sikurse nuk u jepet zgjidhje dhe shumë problemeve të tjera. Megjithatë ajo çka unë mendoj, historia nuk është thjesht te z.Xhafa sepse ai është thjesht një emër i përveçëm, një element në portofolin e z.Rama pra në cirkun e tij shëtitës. Ajo çka unë mendoj është që institucionet  shtetit shqiptar, sa efektive janë dhe sa i shërbejnë qytetarëve. Nga ana tjetër, do të shikojmë si situatë klimë biznesi shumë jo të favorshme, do të shikojmë investime të huaja të cilat nuk ikin. Do të shikojmë një stërmundim, strapacim të kryeministrit që ka dalë në turin e tij në të gjithë Shqipërinë për tu mbushur mendjen shqiptarëve që jemi vendi më i begatë në Europë. Ashtu sikurse po të shikojmë është një stërmundim dhe makineri propagande e cila në mënyrën nga më të ndryshmet mundohet për të implementuar politikat e veta të mirëqenies në Shqipëri. Pra këtu beteja mendoj unë nuk është për z.Xhafa sepse në fund të fundit z.Xhafa nuk ka pse të mbajë përgjegjësi për veprimet që bën vëllai i tij por këtu beteja është e Shqipërisë dhe shqiptarëve, nëse ky shtet, ky institucion, kjo qeveri apo kjo klasë politike të cilën shqiptarët e votuan, a janë në shërbim të tyre apo jo. A do të kenë një jetë më të mirë, a do të kenë një vend pune, a do të kenë rrogë më të mirëpaguar, shërbim shëndetësor, a do të kenë mundësi të paguajnë ilaçet, a do të kenë mundësi të blejnë librat e fëmijëve. Pra i gjithë puzzle i jetës politike, artistike kulturore ekonomike, është i gjithi në funksion të jetës politike. Unë mendoj që z.Rama e di shumë mirë që është në një moment shumë të vështirë sot dhe e ka shumë të vështirë prandaj po kërkon të krijojë insinuata apo inskenime, teatro nga më të ndryshmet, sepse për hir të së vërtetës ai është master i këtij pr pavarësisht se tani është në metoda shumë më të vjetra të cilat po dalin jashtë mode. Mundohet të bëjë të njëjtën skenë që është bërë në vitin 2000 kur ai kandidonte për kryetar bashkie i Tiranës për herë të parë. Pra mos të harrojmë që tani jemi 18 vjet më vonë, nuk mund të përdori të njëjtën metodë.

Cila është metoda?

Metoda e makinerisë propagandistike që ai ndërton. E mbani mend sopatën në dorë për të prerë atë shtyllën e telefonit e cila nuk lejonte, apo dalja e Robert Çumçakizit te lulishtja e QSUT. Të njëjtën gjë kemi tani, por njëherë e një kohë e kishim me një veshje ekstravagante që ecte dhe kameramanët dhe gazetarët që e gjëmonin me vrap, sot nuk kemi këtë gjë. Sot kemi …. të ulur nëpër karrige në pikën e diellit se nuk gjejnë as hije në këtë pikë vape, sepse i kap kamera më bukur për ta dhe kjo tregon një defekt.

LSI ka ende të punësuar në ujësjellës në bashki

Mund të them këtë gjë që përfaqësuesit e LSI-së, politike apo edhe komisionerë apo aktivistë të LSI-së jo vetëm që nuk janë më në punë por edhe ata që janë i kanë kërcënuar por kanë filluar edhe ju ngrenë padi nëpër prokurorira për t’i kërcënuar në mënyrë të tillë që pranoni padinë që të shkoni të përballeni pranë prokurorisë ose ndërroni teserën e partisë dhe të kaloni.

 

Kjo po ndodh për të gjithë pushtetin vendor apo edhe në Tiranë?

 

Në Tiranë ne nuk kemi faktikisht për hir të së vërtetës. Pothuajse të gjithë kanë ikur. Zotin Veliaj mund ta quaj pak skemaxhi ose mund ta quaj pak inteligjent për të pasur një lloj presioni për t’i ushtruar Ramës duke pasur parasysh që Rama po mundohet për ta lëvizur si kandidat të mundshëm të Bashkisë së Tiranës.

 

Rama po mundohet apo ju…

 

Në do kemi kandidatin tonë të opozitës. Rama po mundohet t’i krijojë mundësi të ndryshme. Unë nuk jam e autorizuar për të folur për kandidatët e Partisë Socialiste por po të uleni dhe të flisni nëpër tryezat e tyre do të shikoni se janë 2-3 kandidatë nga Partia Socialiste te cilët po përgatiten me stafet e tyre qoftë ministror, qoftë edhe jashtë ministror.

Në 10 minuta na ka dhënë shumë lajme deri tani. Nga do ja nisni ju nuk e di po unë një di dhe do ta jap menjëherë. Kur thatë që Z. Xhafa nuk ka pse mban për veprimet e vëllait, do të thoni që ai s’ka arsye pse të dorëhiqet?

Për çështjen e të vëllait unë nuk mendoj. Problemi është pastaj nëse për ligji i antimafias dhe për vettingun e policisë ne i kërkonim llogari policëve nëse kanë pirë ndonjë kafe apo kanë qenë pjesë e ndonjë tryeze në ndonjë dasmë me të inkriminuar dhe ai duhet të dorëzonte uniformën, ky është pastaj këndvështrim tjetër sesi ne do ta shikojmë. Unë sot jam këtu në emisionin dhe nuk e di çfarë bëjnë fëmijët e mi tani. Njëri është 18, tjetra është 20. Normal që unë do mbaj përgjegjësi morale, por përgjegjësi ligjore nuk mund të mbaj. Por nga ana tjetër është sa i vëllai i Z. Xhafa nuk ka përdorur institucionet e policisë së shtetit në funksion të veprimtarisë së tij. Këto pastaj janë gjëra për të cilat ne mund të diskutojmë gjithë ditën dhe gjithë natën këtu bashkërisht.

Duhet të fliste drejtësia apo hetime të pavarura?

Drejtësia, për hir të së vërtetës ka atë hijen e vet të dyshimit. Unë mendoj që ka mënyra të tjera nga më të ndryshmet për të argumentuar po themi pozicionimin e Z. Xhafa por nuk dua as ta mbroj dhe as ta sulmoj. Unë mendoj që problemi i situatës në të cilën gjendet sot politika shqiptare, policia e shtetit, prokuroria, reforma në drejtësi, e gjithë skema e qeverisjes së institucioneve shtetërore është Z. Rama, sepse është vetë ai individ.

Unë konstatova këtu se LSI nuk është në të njëjtën linjë me Partinë Demokratike. Ju thoni që ka përgjegjësi morale dhe jo penale për vëllain ndërkohë që PD mendon se është përgjegjës. Ndërkohë që mendoj gjithashtu se mungon një platformë përbashkët. Znj. Kryemadhi mund të përgjigjet për çështjen Xhafa, çështjen e lidershipit të opozitës së bashkuar dhe aksionin opozitar pas përgjigjes së negociatave.

Sa i përket çështjes së konstatimit për çështjen e z. Xhafaj unë mendoj se është shumë korrekte nga ana ime kur them që asnjëri nga ne nuk mban përgjegjësi për familjarët e tij në një vend demokratik. Janë burrë e grua në një krevat dhe nuk mbajnë përgjegjësi penale për veprimet e njëri-tjetrit. Por përgjegjësia është morale. Pyetja që unë ngre është: Nëse z. Xhafaj e ka lejuar vëllain e tij që të përdorë institucionet e Policisë së Shtetit, Interpolin, antidrogën etj në funksionin të biznesit të tij, z. Xhafaj jo vetëm do të mbajë përgjegjësi politike dhe morale por edhe ligjore.

 

  1. Basha thotë që ai i ka bërë të gjitha këto.

Unë jam 99% dakord me këtë por dua të jem ‘fair’ deri në fund. Për sa i përket asaj alternativës së kush do të jetë Kryeministri i radhës. Unë nuk mendoj se qëndron këtu problemi. Për ne nuk ka asnjë lloj problemi. E kemi shumë të qartë se kush do të jetë Kryeministri i radhës, si ne, si PD ashtu edhe partitë e tjera të koalicionit të opozitës. Nuk ka asnjë lloj problemi me këtë. Nuk qëndron problemi se kush do të jetë Kryeministër sepse shqiptarët sot nuk janë të gatshëm të dalin dhe të protestojnë se kush do të jetë Kryeministër. Sot shqiptarët duan të tregojnë alternativën dhe çfarë ne u ofrojmë atyre për sa i përket punësimit, ekonomisë dhe shumë gjërave të tjera të cilat sot janë rrënuar në krahasim me 4 vite më parë.

 

Mua më duket se opozita është me shumë koka në këto momente.

Kemi partitë kryesore, që njëra është e qendrës së majtë dhe tjetra është e qendrës së djathtë. Të mos harrojmë se të ulesh dhe të bësh një gjë të përbashkët është e vështirë. Mund të marrim se shembull taksat: çfarë do të bëjmë? Do t’i rrisim apo ulim? Taksë të sheshtë apo progresive? Unë nuk mendoj se ky është momenti për të diskutuar.

 

Po nëse kërkohet rrëzimi i qeverisë është koha për të diskutuar apo jo? Dakord u rrëzua Rama, por kush po vjen, çfarë plani ka?

Nëse do duhet të flasim një ditë për programin ekonomik ne jemi të gatshëm. Ashtu siç është programi ekonomik i LSI. Dhe për hir të së vërtetës PD ka pasur një program ekonomik të jashtëzakonshëm, të hartuar me partnerët e tyre ndërkombëtar, me një grup konsulence gjerman, që për hir të së vërtetës kemi shumë gjera të përbashkëta përsa i përket nivelit të taksave, zhvillimit ekonomik, krijimit të klimës së biznesit në Shqipëri, thithjen e investimit. Por të gjitha këto, kanë një mburojë e cila do të jetë shumë e rëndësishme pa një garanci dhe pa një siguri të zhvillimit të gjithë kësaj situate, do të jetë shumë më e vështirë. Por sot, nëse një investitor i huaj do të vijë dhe rrihet, i thyhen këmbët, sepse i merret prona, i rrëmbehet prona, çfarëdo që të bësh, apo çfarëdo që t’i të implementosh do ta kesh shumë të vështirë nëse nuk u ofron garanci dhe siguri e cila vjen nga rendi e cila është kryesore. Pastaj sa i përket alternativës po themi, sigurisht që është në hartimin e nje grupi pune i cili ka një alternativ. E para është reforma zgjedhore për të cilën jemi një grup pune që jemi duke punuar, po punon z. Bylykbashi me z. Luan Rama, po ashtu dhe me z. Mediu dhe ato të partive të tjera sepse do të hymë në një propozim i cili të mos harrojmë që për herë të parë po na vendoset përpara tryezave si kusht për hapjen e negociatave dhe reformën zgjedhore.

 

Vetëm mos e lini dy javët e fundit…

Kjo ka një problem. Janë etapa të cilat kanë vendosur një axhendë. Ne si LSI kemi qenë jashtëzakonisht të hapur. Sepse për ne është shumë e rëndësishme mund të bëjmë votim elektroni, votim kimik, si të duam. Ne kemi anëtarët tanë të komisionit, kemi dhe specialistët që marrin pjesë në grupet e punës. Kështu që, transparenca, se burrë e grua flenë në një krevat dhe nuk e dinë se sa transparent janë me njëri-tjetrin, jo më partitë politike që në fund të fundit luajnë për interesat e tyre. Megjithatë unë mendoj që sa më i ndershëm dhe sa më transparent të jetë debati, aq më e kollajshme dhe sa më proces zgjedhor i thjeshtë të bëhet, aq më i kollajshëm dhe i përfunduar në konsensus të plotë do jetë reforma zgjedhore.

 

Thatë që reforma zgjedhore është vënë kusht për negociatat?

E tha eurodeputeti gjerman. Gjermania do ta vendosë si kusht reformën zgjedhore dhe përveç reformës zgjedhore dhe rishikimin e emërimeve që janë bërë në drejtësi nga tetori e këtej.

 

Në datën 16 merret vesh vendimi. Kur është koha për tu bërë kjo reformë?

Për zgjedhjet lokale, do të jetë shumë e vështirë për të implementuar reformën zgjedhore sidomos votimin elektronik.

Nuk ka opozitë në Shqipëri. Ka Parti Demokratike dhe ndonjë parti që është bashkuar me të. Opozita është gjë e madhe. Nuk ka opozitë në Shqipëri. Këto parti ende nuk janë kthyer në zëdhënëse të qytetarëve, të njerëzve të pakënaqur. Nuk kanë ndryshuar, nuk kanë reflektuar nga gabimet…

Doja të shtoja diçka përsa i përket çështjes se në Parlament flasin dy-tre vetë. Le të mos harrojmë, z. Krasniqi, që nga 78 deputetë që ka mazhoranca sot, vetëm Edi Rama flet në Parlament. 77 të tjerët as nuk i dëgjojmë fare dhe as nuk e argumenton dot nëse janë prezent apo jo. Nëse Partia Socialiste ka 74 mandate dhe nga ato 74 mandate flet vetëm një, unë jam shumë e lumtur që nga 19 mandate të LSI-së të flasin 6 deputetë. Në përqindje dhe në raport unë jam shumë më lart edhe se Partia Socialiste, edhe se Partia Demokratike. Meqenëse merreni me statistika po jua them këtë qartë. Pra, në përqindje dhe pjesëmarrje, deputetët e LSI-së janë shumë më aktivë në Parlament edhe se Partia Socialiste, të cilët janë mazhorancë dhe jo vetëm kanë shumë gjëra për të folur, por kanë edhe shumë argumentime të tjera le të themi ose prezencë të tyren edhe në raport me ministrat e qeverisë.

LSI është një parti e paprovuar në opozitë apo jo? E ka shumë të vështirë.

Të mos harrojmë që LSI është një parti e themeluar në opozitë, është themeluar në vitin 2004 dhe deri në 2009-n ka qenë në opozitë. Të mos harrojmë që edhe Kodi Zgjedhor i viti 2008 u hartua nga partitë e vjetra për të goditur LSI-në. PS vendosi veton që të kishim një Kod Zgjedhor të tillë që e përjashtonte Lëvizjen Socialiste për Integrim, pra kërkonte ta zhdukte. Por sot kemi një realitet politik ku LSI qëndron në këmbë, me të mirat dhe të këqijat e saj. Të mos harrojmë se edhe në zgjedhjet e 25 qershor LSI ishte sandviç mes dy forcave politike dhe mbijetoi edhe pse pati sulme, angazhim total të policisë.

Sulmet më të mëdha në drejtim të LSI-së erdhën nga Partia Demokratike gjatë fushatës.

Sulmet erdhën njëkohësisht. PD u kthye në një kamzhik në dorën e Edi Ramës. Ishte PS ajo që ushtronte dhunën ndaj votuesve dhe përkrahësve të Lëvizjes Socialiste për Integrim. Sa i përket mbijetesës së LSI unë mund të them që normal që LSI tashmë është në një moment të vështirë. Megjithatë momentin më të vështirë e ka kaluar, që ishte momenti shtator-tetor-nëntor. Apo edhe momenti kur për herë të parë në Konventën e LSI-së anëtarët dëgjuan një fjalim të egër kundër Edi Ramës. Që kërkoja një front opozitar kundër qeverisë së krimit, kundër qeverisë së drogës. Për herë të parë u denoncua blerja e votës me paratë e krimit dhe me paratë e drogës. Patëm shumë njerëz të LSI, që një pjesë e madhe ishin njerëz që kalonin nga njëra parti te tjera. Nga viti 2009-2013 kishim shumë ish socialistë që u bënë me LSI-në dhe nga 2013-2017 shumë anëtarë të PD-së që u konvertuan në LSI-stë. Pra, është kjo situatë, e cila krijoi një lloj boshllëku, një lloj paqartësie deri në një moment kur këto lloj ‘shushunjash’ ikën përsëri në radhët e tyre. Dhe kjo është një lloj katarsisi që vetë LSI ia kishte nevojën.

Por është edhe një firo kjo apo jo?

Jo mos harroni që në Shqipëri çdo largim i një parti politike konvertohet në 10 pranime të tjera. Dhe për këtë ka statistika. Dhe mos harroni që çdo njëri i konvertuar nga LSI-st në socialist në administratë kthehet në 10 socialistë të nervozuar dhe agresivë ndaj PS-së dhe këta tentojnë drejt selisë së Lëvizjes Socialiste për Integrim. Sa i përket çështjes së identitetit unë mendoj se kjo çështje tashmë ka kaluar. LSI ka tashmë identitetin e saj. Është një parti e të rinjve. Unë do t’ju ftoj t’i takoni.  Janë 150 të rinj të cilët kanë mbaruar studimet jashtë vendit. Është e vërtetë. Për shumë njerëz të cilët kanë jetuar në Shqipëri dhe e kanë parë gjithmonë LSI-në sidomos me skepticizëm si rasti juaj, e kanë të vështirë. Por ka edhe njerëz të tjerë të cilët vijnë me një lloj skepticizmi por që më pas duan të bëhen pjesë e saj. Sepse në fund të ditës LSI-a është një institucion, i cili nuk ka një lloj hierarkie, që në një vend demokratik është e domosdoshme, por në LSI kontribuon në mënyrë të tillë që ëndrrat e tua, pasionet e tua apo edhe projektet e tua mund t’i bësh realitet. Nuk është e thjeshtë në një vend si Shqipëria për t’i realizuar ëndrrat, sepse është akoma një vend që funksionon me mentalitet komunist, pra me hakmarrje politike. Sot ka shumë të rinj të cilët kanë qenë pjesë e LSI-së dhe LRI-së dhe që sot drejtojnë emisione televizive, drejtojnë projekte të ndryshme. Aty kanë mësuar, në LSI. Janë njerëz të cilët janë IT perfekt, sepse kanë qenë pjesë e grupeve digjitale. I ke sot kameramanë dhe fotografë të jashtëzakonshëm. Mund të themi që kemi aktorë të humorit, të cilët kanë nisur karrierën e tyre në kampet e Jalës. Ju keni qenë në kampin e Jalës dhe keni parë se si funksionon atje. Sot rinisë shqiptare nuk i ofrohet absolutisht asgjë. Për hir të së vërtetës, ne gjithmonë jemi gjykuar për kampin e Jalës që ne organizojmë, pavarësisht se ai ka këto kërkesat e veta, pavarësisht edhe atyre sulmeve që i bëhen. Por, kampi i Jalës ka nxjerrë një produkt shumë të mirë edhe me gazetarë, kameramanë, fotografë, njerëz që merren me sondazhe e shumë e shumë të tjera. Ne e provuam që ishim vetëm. Është një lloj makinerie propagande dhe është shumë e fuqishme. Mos harrojmë që është një administratë në Kryeministri që në 27 vite të tranzicionit të saj ka funksionuar me 120 veta personel, ndërkohë që sot është me 1200 të tillë. Pra, janë 1200 njerëz të cilët funksionojnë në mënyrë perfekte. Janë 800 IT në Kryeministri, të cilët bëjnë vetëm manipulim të rrjeteve sociale. Tani le t’i hyjmë kësaj dhe ta hetojmë. Kush do ta hetojë? Do ta hetojë Kryeprokurori Edi Ramës? Do ta gjykojë gjyqtari i Edi Ramës? Pra, çfarëdo që të bëjmë ne, akuza të tilla, i bie që ne të ulemi dhe të shkojmë t’i japim Edi Ramës që të gjykojë vetveten. Edhe po të vish sot në Konventën e Lëvizjes Socialiste për Integrim, dhe t’i pyesni a e besoni Lulzim Bashën apo jo, 99 për qind do të thonë ‘jo’. Ashtu sikurse edhe 90 për qind e Partisë Demokratike nuk do që të bashkëpunojë me LSI-në.

 

Por, a është ky një hendek pengues?

Absolutisht që nuk është një hendek, sepse unë mendoj që është shumë e rëndësishme mënyra se si komunikohet, por nëse ne do t’i pyesim këta njerëz: A doni që ta rrëzoni Edi Ramën apo jo?, të jeni të bindur që 100 për qind qoftë e LSI-së, qoftë e PD-së do duan ta rrëzojnë atë.

Interesi kryesor në raste të tilla është që partitë të kenë diferenca, mospërputhje.

Sepse nuk ka ecje përpara.

 Përshtypja ime është që delegatë të PD e kanë parë LSI si produkt të të ikurve, të shiturve.

Edhe ftesën që Rama hodhi, që i preu barku për Ilir Metën, për Presidentin, ajo që mund të them është që, frika që ai ndjen për zgjedhjet lokale.

 Pse thoni që e preu barku, nuk e besoni ju që ka qenë presidenti më i mirë?

Për mua nuk e mendoj që është presidenti më i mirë për vetë arsyen që nuk denoncon mosfunksionimin e Gjykatës Kushtetuese. Nuk kam ardhur këtu as të sulmoj dhe as të bëj avokatin, por për mendimin tim ajo çka dua të them është që vetë Rama në momentin që ndihet shumë keq bën gjithmonë sikur dashuria e tij për Ilir Metën është e pashtershme, kalon kufijtë e saj.

 Jo, por dha një mendim dhe unë mendoj që deri diku kishte të drejtë.

Por ajo ishte një deklaratë që krijonte diversion, por unë mund të them që ai elektorat i LSI i cili është i qartë, që për hir të së vërtetës elektorati i LSI mund të jetë i vogël në numër në krahasim me dy partitë e tjera.

 Ju e përjashtoni që të ktheheni me PS më? Kam përshtypjen se anëtarët e LSI parapëlqejnë koalicionin me PS sesa me PD.

E rrejnë. Njerëzit e LSI konvergojnë më shumë me njerëzit e PD për hir të së vërtetës. E kemi nga eksperiencat. Unë kam bërë fushatë dhe me PD në 2011 dhe me PS në 2015. Problemi qëndron këtu. Në PS për hir të së vërtetës, nuk kemi më Parti Socialiste të 2005, është një Parti Socialiste komplet tjetër. Sot, kryetari i PS në qytet, nuk është një nga intelektualët më të mirë të atij qyteti. Sot kandidat për kryetar bashkie në zgjedhjet e ardhshme nuk do të jetë figura më intelektuale dhe më gjithëpërfshirëse e qytetit por do të jetë kush është mundësisht një njeri me pesë emra që është dënuar.

 Në fillim të intervistës thatë që janë stafet ministrore që po bëhen gati, kush janë?

Janë një dy ministre. Nuk ti them tani, ti them pas emisionit. Sepse do lëmë dhe disa gjera për më vonë.

Po bën të njëjtin diversion siç bëri z. Rama me Metën.

Jo, unë nuk bëj diversion. Shkoni pyesni shefat e kabinetit të disa ministreve që keni në kabinet, njëra është zonjë.

 Nuk është ndonjë çudi që të diskutohet kandidatura për bashkinë e Tiranës dhe të ketë emra alternativë. Nuk është ndonjë çudi e madhe që në 2019 që të ketë partia që është në pushtet alternativa të tjera për kryetar bashkie.

Unë nuk e shikoj ashtu më shumë se sa e shikoj si rrezikshmëri që ka vetë z. Rama përsa i përket administrimit të PS. Por unë nuk mendoj se jemi sot këtu për të folur për këtë. Është bashki e madhe dhe mos të harrojmë që dhe numrat janë shumë të rrezikuara. Mos të harrojmë që me 45 mijë vota ka qenë diferenca e z. Veliaj. Mos të harrojmë që kemi tashmë një këndvështrim tjetër të pozicionin të Partisë Socialiste në Tiranë, sepse nuk reflektohet vetëm çfarë ka bërë Erion Veliaj për bashkinë, por reflektohet edhe gjithë urrejtja apo antipatia. Po u falin taksa miliarderëve në Shqipëri ku s`po paguajnë por marrin makina nga kockat e hallexhinjve. Të mos harrojmë që janë të gjitha këto që përkthehen në një revoltë dhe mungesë besimi apo dhe përkrahje ndaj Partisë Socialiste.

Kjo shërben për dy gjëra. E para, konstatoj agresivitetin e opozitarizmit tek LSI dhe e shoh si një gjë që nuk ngjit. Një qeveri që para 4 vitesh ka qeverisur me këtë mazhorancë nuk mund të kthehet në moment në një lloj konflikti agresiv të ashpër ndaj kësaj partie. Opozitarizmi do kohën e vet, përgatitjen e saj. Nuk mund të bësh opozitë me një parti që ka qenë në qeverisje me këtë mazhorancë e sot shprehet në mënyrë agresive, konfliktuale e aq më tepër në diskursin e znj. Kryemadhi shoh një lloj opozitarizmi moralisht.

Ai bleu mandatet dhe përmend gjatë gjithë kohës kazan dhe tepsi. A është moraliste kjo?

Qeveria kohët e fundit ka pasur 1001 probleme, skandale. Znj. Kryemadhi tha se qeveria e Ramës është në ikje, unë nuk e shoh kështu. Unë e shoh më të fortë se kurrë

Për pushtetin personal të Edi Ramës? Duke kthyer policinë e shtetin dhe Prokurorinë në hanxharë në duart e tij? Për mua një kryeministër i mirë është ai që rrit rrogat, pensionet por ky i ka dhënë me koncesion të gjithë Shqipërinë sepse nuk ka para në buxhet që të investojë me paratë e këtij buxheti. Ne duhet të jemi pak realistë për atë që themi, te jemi pak me këmbë në tokë.

Pjesëmarrja jo shumë e madhe në protestën e 26 majit, ishte si një lloj zhgënjimi kundrejt një aksioni opozitar që gjithmonë bazohet te besimi moralist, këta po vjedhin, do vijmë ne më të moralshmit etj,

Kjo nuk është e vërtetë fare. Unë më duket sikur po dëgjoj Endri Fugën. 26 maji ka pasur më shumë njerëz në shesh. Ndërsa 27 janari filloi në 11 e 40 dhe në 11 e 40 kemi dalë nga selitë dhe jemi takuar unë dhe z.Basha. Ndërsa në 26 maj ka qenë një vapë e paparë, ka qenë 33 gradë temperatura dhe ka pasur njerëz jashtëzakonisht shumë. Diskursi juaj politik është e njëjta makinë propagande që përdor Rama. Unë po them atë që ke dëgjuar, ose e ke kuptuar gabim , ka të bëjë me çështjen e perceptimit të analizës suaj. Dhe në 26 maj ka pasur pjesëmarrje jashtëzakonisht të madhe. Ka qenë edhe parku rinia i mbushur plot. Mjafton të shikosh pjesëmarrjen e policisë të përfshirë..

Ky është hiperbolizim politik…

Jo nuk është fare hiperbolizim politik.

Ju fare lehtë mund të thoni që ajo ishte një protestë kundër një ministri, nuk është kundra qeverisë…

Ka njerëz që dolën kundër ministrit, ka disa që dolën Ramës, ka disa që dolën kundër taksave. Ajo ishte një protestë që udhëtuan njerëzit kush donte të vinte.70% e pjesëmarrjes në protestë ka qenë nga Tirana.

Nuk më intereson pjesëmarrja…

Jo ka rëndësi pjesëmarrja, ti vetë e ngrite argumentin që kishte më pak se 27 janari.  Në qoftë se ti nuk i qëndron asaj që thua është tjetër gjë. Analiza politike është shumë e thjeshtë. Me skandalet që kanë ndodhur me 2 ministra të brendshëm të përfshirë në trafikun e drogës duhet të kishin rënë.

Pse nuk ju ndjekin qytetarët masivisht në këtë kauzë të madhe?

Qytetarët janë të gatshëm, z.Rama ka një muaj që ka marrë plaçkat me vete, del qyet më qytet si cirk lëvizës, kur e di shumë mirë se i janë mbyllur dyert për çështjet e negociatave. Dhe po fillon dhe po argumenton që mos hapja e negociatave është faji i opozitës. Se gjithmonë deri dje e kishte fajin LSI ,tani do dali që fajin e ka populli. Në një vend normal dhe demokratik ku një kryeministri dy ministra njeri pas tjetrit i dalin të implikuar qoftë në përgjimet e antimafias, qoftë në segmentin e verifikimit të saj, sot të parët ju gazetarët duhet ta kryqëzonit atë. Meqënëse nuk paska opozitë dilni ju media e lirë.

Fatmir Xhafaj duhet të japi dorëheqjen…                            

Jo të iki Edi Rama, Fatmir Xhafën e vendosi Edi Rama ministër aty.

Edi Ramën e ka votuar populli, pse të iki..

Kur e ka votuar?

Më 25 qershor…

Më 25 qershor i bleu me paratë e drogës, me paratë e ministrit të brendshëm. Sepse në burg mbahen hallexhinjtë që nuk paguajnë 5 mijë lekë drita jo Saimir Tahiri. Dhe ua kam thënë, do ta çojnë në arrest shtëpie dhe pastaj do ta nxjerrin të lirë. Dhe mos u çudisni kur të dalë i pafajshëm ai Saimir Tahiri dhe të dali i fajshëm ai polici i antimafies që solli përgjimin. Saimir Tahiri do dalë i pafajshëm sepse kjo është e njëjta drejtësi në 25 vite. Po pse ti ke prokuroren e përgjithshme që të ka dalë nga Vettingu?  Ke gjyqtarët që kërcënohen, jep vendimin se do të bëj Vettingun nesër.

Keni votuar të gjitha ligjet organike të reformës në drejtësi….

Po sepse doli garant BE dhe SHBA, dhe kemi bërë shumë gabim që i kemi votuar sepse PD kishte shumë të drejtë për ligjin për prokurorinë dhe për Vettingun.

Në qoftë se pretendon që Rama ka kapur reformën në drejtësi ia keni dhënë ju me 84 vota…

Ia ka dhënë presidenti që e do shumë Edi Rama.

Ia ka dhënë LSI…

Jo jo. LSI kishte kryetar Ilir Metën.

Po është përgjegjësi e madhe kjo…

Po është përgjegjësi e madhe sepse Ilir Meta duhet ta drejtonte komisionin e Reformës në Drejtësi si kryetar parlamenti. Sepse ka dhe një problem tjetër. Reformën në Drejtësi nuk mund ta bëj shoqëria civile. E bëjnë ekspertë që Shqipëria ka ekspertë të jashtëzakonshëm nuk kishte pjesë të përfshiheshin ekspertë politikisht.

Po thoni që ta drejtonte Meta?

Ashtu ka qenë, por Meta tha jo nuk e drejtoj unë se ishte modest më shumë seç duhet dhe ja ku jemi sot. Por mund të them që PD për 7 ligjet kishte shumë të drejtë. Dhe Romana Vlahutin ka hyrë garant për këtë, por Romana Vlahutin nuk është shqiptare dhe nuk mban asnjë lloj përgjegjësie. Por se ça ndodh sot me reformën në drejtësi nuk i bëhet vonë fare.

Çfarë force politike jeni ju që e çoni vendin në këtë farë feje vetëm se ju thonë ndërkombëtarët..

Po ti që bën artikujt e tu vetëm se të thonë ndërkombëtarët?

Unë marr një rrogë..

Unë aspiroj për BE dhe doli që BE sjell ambasador që bëhen ambasador të Edi Ramës. Unë dua të kuptoj logjikën tuaj sepse timen e kam kuptuar shumë mirë. Dhe unë po të them që logjika juaj, ju vetë gazetar duke qenë prezent, ju të parët i nënshtroheni ambasadorëve më pas vijmë ne klasa politike.

Me artikuj me shkrime me intimidimet që u bën gazetarëve..

Nuk të bën ty po i bën pronarit tënd. Sa të duash ka intimidime, me projekte, me video, me shumë procese të tjera të ndryshme.

Intimidimi më i madh që i ka  bërë politika shqiptare kësaj shoqërie nuk është se ia kanë bërë ndërkombëtarët…

Po pse media nuk i ka bërë intimidim? Pronarët e mediave presin që të marrin tendera nga kryeministri. Dhe mos të harrojmë që kemi dhe një bord që drejtohet nga Endri Fuga dhe është bord i shoqërisë civile. Shoqëria civile e cila do të bëjë një opozitë të politikës apo të qeverisjes do të marri paratë që vijnë të kushtëzuara.

Shumë e gabuar…

Si shumë  gabuar, po pse nuk shkruan njëri për këtë

E kanë shkruar..

Nuk lexon njeri print, e duan në rrjetet sociale. Ne kemi shoqet tona të cilat i kemi ndihmuar i kemi përkrahur në aktivitetet sociale që sjanë fare me politikën dhe kur vjen puna tjetër gjë thonë me ne dhe tjetër gjë thonë në tavolina sepse do tu shikojë statuset në Facebook Endri Fuga.

Sepse në bazë të atij projekti mban familjen me bukë. Ne i dimë shumë mirë këto gjëra. Po pse ligji që do paguajnë shqiptarët nga 10 dollarë për televizion që të shpërndajë ai për televizionet e tjera. 1300 familje nga 10 dollarë do marri dhe 13 milionë të tjera  të cilat do ua shpërndajë televizioneve kombëtare dhe të bëjnë ça të duan.

Jepini fund kësaj marrëzisë që politika i kërkon llogari mediave..

Jo unë stë kërkoj llogari ty, unë kërkoj që pronari yt mos të jetë i kushtëzuar nga tenderi apo fuqia ekonomike që buron nga qeveria. Sepse media si pushtet i pavarur duhet të jetë një pushtet totalisht i pavarur nga qeveria. Edhe nga opozita. Pse nuk shkruan asnjë media për punëtorin e vdekur në shtëpinë e një drejtori të OST. Sepse e zuri korenti duke korrur bari në një lidhje të jashtëligjshme. Ishte drejtori i OSHEE të një rrethi. Nuk ka shkruar asnjë. Kanë falsifikuar raportin mjekësor edhe spitali i Peqinit dhe spitali i Elbasanit. Ka thënë që ka vdekur nga takikardia. E di media po i marrin ne telefon i thonë zhduke statusin.

Javën e kaluar ishte hedhur lajm për median serioze ishte pasuria e politikanëve. Media përcolli në mos gaboj një qëndrim të një deputeti të LSI, që nuk e di nëse është qëndrim mediatik apo është qëndrim zyrtar, vjen në idenë e një amnistie për politikanët e korruptuar…

Flet për z. Rrokaj? Është manipuluar deklarata e tij. Ka qenë z. Rrokaj që ka thënë që duhet të punojmë nga viti 0, pra të gjithë politikanët dhe ne që jemi hetuar në ILDKP të fillojmë dhe njëherë të hetohemi për ato çfarë kemi deklaruar më përpara. Dhe ndërkohë një media që është pranë kryeministrit, e ka marrë këtë deklaratë dhe e ka vënë sikur e ka thënë znj. Gjosha. Por znj. Gjosha ka thënë, jam për ngritjen dhe respektimin e institucioneve që janë të domosdoshme përsa i përket verifikimit të pasurisë dhe çdo gjë tjetër. Pra, kur është marrë sepse dhe ne kemi dëgjuar një gjë të tillë, kemi parë sepse kanë qenë prononcimet live e ka pas bërë Top Channel, ka qenë z. Manjani që ka pas thënë për një amnisti, e ka pasur në këndvështrimin ligjor, dhe më pas ai e ka sqaruar. Por ndërkohë ka qenë deklarata e z. Rrokaj që ka thënë të fillojë nga viti 0 që të përfshihen dhe njëherë të gjithë. Në qoftë se unë kam 20 vite që hetohem nga ILDKP, le të më rifillojë dhe njëherë ILDKP që nga pasuria e gjyshit dhe stërgjyshit tim. Kjo ka qenë ideja dhe është manipuluar nga gazeta TEMA.

Çfarë jeni ju të gatshëm të bëni për t’i treguar opinionit publik që jeni të gatshëm jo me letrat e ILDKP por me një aksion politik duke marrë një nismë. Për shembull, nëse ju sot merrni një nismë e cila lidhet me deklarimin e pasurive dhe verifikimin e të gjitha aseteve financiare është një ngjarje krejt më efektive se sa kjo historia e famshme me imunitete…

Nuk përzihet i pastri me të pistin. Pra fillojmë distancohemi që të gjithë dhe nuk merr përgjegjësi për të gjitha gjërat e tjera. Unë jam shumë dakord me këtë nismë. Dhe që të jem e sinqertë, historia e shpërdorimit të deputetëve në Kuvend është shumë e madhe për shkak të, pavarësisht po themi pagesa të cilat kanë rroga e një deputeti në krahasim me atë çfarë mund të ketë një deputet tjetër në rajon, qoftë deputet i Kosovës apo i Maqedonisë, janë sa një e treta e tyre. Dhe pastaj për të plotësuar kushtet e tjera fillojnë dhe rrisin me dieta, me qera shpi apo apartamente, etj. Unë për veten time kam qenë deputete në Lezhë, ne Elbasan marr 370 mijë lekë të vjetra ose 37 mijë lekë të reja karburant dhe 170 mijë lek telefon. Ka një problem. Deputetët e rretheve për hir të së vërtetës për shkak se karburanti është shumë i shtrenjtë dhe vlerën që kanë vendosur për karburantin e shkojnë e vijnë e kompensojnë me qiratë e tyre. Se një ish-kolegu jonë kishte bërë një shkrim ku analizonte këtë gjë.

Për të marrë një nismë të tillë secili nga deputetët përfshirë dhe të partisë suaj, ka konfidencë për ta bërë këtë gjë…

Ne kemi qenë të hapur për ta bërë këtë gjë dhe unë jam njëherë shumë dakord. E dyta, përveç kësaj pak nga pak do jetë sikur të krijosh një lloj institucionalizimi të politikës, për të mos pasur po themi ndikim të biznesit në politikë. Për shkak të kësaj më pas po bëhet edhe konflikt interesi dhe dashje pa dashje vendosin vendimet politike në funksion të biznesit dhe jo të shoqërisë. Kjo do jetë shumë e rëndësishme ndërsa për sa i përket hetimit mendoj që hetimi i pasurisë së politikanëve është i domosdoshëm për të gjithë, por nga eksperiencat që kemi ne në Shqipëri, gjithmonë ka qenë në 2 ose 3 standarde hetimi i pasurisë së politikanëve. Pra, ti je në opozitë sulmohesh e dëmtohesh, kur je në pushtet i fsheh dhe anasjelltas pastaj. Kjo është një iniciativë që është e domosdoshme, duhet të behet në një konsensus politik dhe numri që duhet të pranohet nga të gjithë dhe të jetë efikas dhe të mbyllet kjo historia e përbaltjes së politikanëve dhe jo vetëm, por të gjithë njerëzit që janë pjesë e vendimmarrjes njëherë e mirë.

Nuk është përbaltje kjo, por kur është një gjë e pavërtetë…

Tani për hir të së vërtetës të themi atë që është, ke sa të duash që akuzohen për gjëra nga më të ndryshme, por edhe që janë kot. Më çfarë shikojmë dhe dëgjojmë, duhen vendosur duart në kokë, por tani është koha për të listuar gjërat me fakte sepse pastaj çdo gjë do të kthehet në të kundërt. Unë jam e bindur që mënyra e vetëdeklarimit do të jetë shumë e ndershme, pra të vetdeklarohen politikanët se sa pasuri kanë, ku mund ta bëjë jetën më fleksible dhe transparente. Për mua hetimi ose deklarimi i pasurisë është i përditshëm, njëherë unë një herë Meta ndërsa tani hetohem unë dhe vajza ime në të njëjtën ditë.

Kam përshtypjen që keni menduar se jeni hetuar…

Jo, nuk e mendoj kështu absolutisht. Më ka hetuar prokuroria, Ina Rama, Edi Rama, Fatos Nano, Saimir Tahiri, pra te gjithë.

Të gjithë ata që ke votuar…

Po shumë mirë kam bërë që i kam votuar. Por një qime floku të kisha luajtur unë apo Ilir Meta do na kishin dënuar.

Problemin e dytë që unë shoh, po e lidh me një model të Maqedonisë. Atje opozita ka bërë një aksion, i cili ka rrëzuar shumë efektivë sa sulmi politik që po ndodh në Shqipëri. Çfarë aksioni? Ata kanë propozuar edhe një rast me 3000 amendamente ligjore dhe duke propozuar ato, ka shfrytëzuar strukturën e parlamentit për të bllokuar agjentët parlamentar. Ata e kanë provuar njëherë pozitivisht dhe një herë negativisht për ligjin në gjuhën shqipe. Gjithë ditën bëhet fjalimet në Facebook, nuk ka vlerë nëse nuk lë gjurmë. Çfarë ju pengon grupeve tuaja që të merrni jo njerëz apo këshilltarë që sulmojnë ambasadorët e huaj në Tiranë, por njerëz që njohin ligjet për ligjet pra më specifike?

E di sa e vështirë është për të gjetur këshilltarë sepse të gjithë janë këshilltarë politik? Ne për të bërë amendamentet tona kemi staf, kemi ministrat z. Naço, Manjani, dhe shumë të tjerë që janë pjesë e stafit të LSI-së, që janë miq po ashtu edhe Partia Demokratike. Dhe është shumë e vështirë për t’u ulur dhe për të përgatitur këto amendamente, sepse kërkohen specialistë të përgatitur përsa i takon anës së kualifikimit dhe këtë gjë duhet ta bëjë Parlamenti. Unë jam argumentimin tim politik për këto amendamente dhe normalisht duhet të jetë një staf që duhet ngritur pranë Komisionit të Ligjeve, i cili e miraton amendamentin. Unë jam kam propozuar edhe OSBE-së një gjë të tillë për të krijuar një projekt, ose një mendësi të tillë për të krijuar një zyrë ndihmëse për deputetët për përgatitjen e amendamenteve ose të iniciativave ligjore. Është shumë e vështirë të marrësh një iniciativë ligjore dhe të përgatitësh një ligj.

Të gjitha hallet qytetare ngelen të paadresuara kur ngelin retorikë dhe kur nuk ka nisma ligjore dhe kryeministri është njeriu më i lumtur në botë kur dikush nuk i propozon ligje kundër ose ligje që nuk e kontrollojnë. Opozita, gabimisht, përfshirë edhe LSI-në, të gjithë aksionin politik e ka fokusuar në Parlament, në një vend ku nuk funksionon. Nuk kemi parë as kryetarin e PD-së dhe as të LSI-së që të shkojnë në rrethe dhe të takojnë qytetarët…

Po të dalim në media me qytetarët, nesër ata shkojnë i fusin në burg. Ne një kandidat kemi nxjerrë që thamë që ka dëshirë për të kandiduar për Bashkinë e Gramshit, ata shkuan dhe e futën në burg se i thanë ke shitur provimet. Kishte folur me pedagogun dhe i kishte thënë a do dalim për ndonjë kafe? As që kishte folur për provime dhe as kishte ndërhyrë. Dhe e bënte Taulant Balla. A e dini që këtu është bërë prokuror i përgjithshëm Taulant Balla? Kryeprokuror, gjyqtar, polic. A e dini se çfarë u bëjnë njerëzve? Presion të paparë. I kërcënojnë. Kush është trim, ka marrë plaçkat e ka ikur jashtë shtetit.

Kjo logjika juaj që arrestohet një njeri dhe ky është një njeri i juaji, për mua ky është një autogol i madh. Partia politike nuk ka sens të dalë të mbrojë individ, sepse përndryshe mua si qytetar më lind e drejta të mendoj që thjesht ka qenë i punësuar atje për të dërguar paratë në një vend tjetër dhe jo për shkak se ky individ ka apo jo probleme me ligjin… Në Statutin tuaj ju e shkruani që nuk përkrahni asnjë individ që ka probleme korrupsioni…

Në momentin që unë e shikoj që ti vërtet e merr dhe e fut në burg dikë për shkak të pozicionit të tij politik…

Po drejtorët nuk kanë qenë pozicione politike...

Pozicion politik ka qenë Dashamir Xhika, sepse ka qenë dhe është kryetar i LSI-së së Elbasanit. Dhe ti e fut atë në burg sepse thua që ka dëm ekonomik 80 milion lekë të vjetra të një rruge që nuk e ka bërë ai, tenderin e ka bërë Andi Toma.

Ju po thoni që s’kemi ekspert për të bërë ligjet por paskeni ekspertë për të verifikuar dosjet korruptive nëse janë të sakta apo jo…

Jo  zotëri sepse personat që ti akuzon se paskan shpërdoruar rrugën, ti u ke pushuar çështjen dhe personin, i cili nuk asnjë lloj përgjegjësie për rrugën e mban në burg.

 

 

 

 

al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al