Koronavirusi ka gjunjëzuar të gjithë botën me mijëra raste që shtohen çdo ditë.

Edhe në botën e sportit ka pasur shumë raste të lojtarëve dhe trajnerëve të prekur.

Pas mbrojtësit të Juventusit, Rugani edhe sulmuesi Paulo Dybala sëbashku me të fejuarën e tij Oriana kanë rezultuar pozitivë në testin e COVID-19.

Është vetë lojtari që e bën të ditur lajmin përmes një postimi në profilin e tij në Twitter.

Ai është shprehur se ata janë në gjendje të mirë shëndetësore dhe se janë nën kujdesin e mjekëve.

Edhe disa ditë më herët në rrjet qarkullonte një lajm se argjentinasi ishte i prekur, të cilën sulmuesi e përgënjeshtroi.