Në raport me vitin e kaluar numri i 100-vjeçarëve në Japoni është rritur tre për qind dhe tash në nivel rekord prej 69.785 persona në këtë moshë, prej tyre 90 për qind janë femra, njoftoi qeveria japoneze.

Sipas të dhënave të Ministrisë së atjeshme të Shëndetësisë dhe Punës, rritja e plakjes sociale ka nisur të evidentohet 48 vjet me radhë, transmeton kp.

Në vitin 1963, në Japoni kanë jetuar vetëm 153 njëqindvjeçarë, thuhet në njoftimin e ministrisë.

Numri është rritur në 1.000 në vitin 1981, ndërsa në vitin 1998 ishin 10.000. Ky numër në vitin 2012 ishte shtuar në 50.000 persona që kanë kaluar moshën 100-vjeçare.