Arrin në 146 numri i të prekurve me Covid 19, nga të cilat 88 raste vetëm në Tiranë. Mësohet se 3 prej tyre janë në gjendje të rëndë.

Janë regjistruar 23 raste të reja në 24 orë, 146 të prekur nga COVID-19 nga të cilët 72 të shtruar në spitalin infektiv. Deri tani raportohen 17 të shëruar pas testeve konfirmuese .

Harta e të prekurve nga COVID-19 është shtrirë tashmë edhe në Krujë dhe zgjerohet në Tiranë, Korçë, Fier, Durrës, Lezhë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:

  • Tiranë            83 qytetarë
  • Durrës 9 qytetarë
  • Lushnje                4 qytetarë
  • Elbasan                3 qytetarë
  • Fier       14  qytetarë
  • Rrogozhinë 2 qytetarë
  • Kavajë 4 qytetarë
  • Korcë 11 qytetarë
  • Vlorë 5 qytetarë
  • Shkodër 3 qytetarë
  • Lezhe 4 qytetarë
  • Berat 1 qytetarë
  • Has 2 qytetarë
  • Krujë 1 qytetar

Ne Spitalin Infektiv ndodhen aktualisht  72 pacientë të shtruar, 4 prej tyre janë në terapi intensive (3 pacientë janë të intubuar në gjendje të rëndë). Ndërsa pjesa tjetër e të shtruarve në pavion janë në gjendje të stabilizuar deri në këto momente.

Lajmi i mirë është se 17 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë.