Një grup shkencëtarësh paraqitën sot në Tel Aviv, një prototip të zemrës së njeriut, të printuar në 3D, e përbërë nga indet e njeriut dhe me enë gjaku, një arritje e madhe sipas tyre në kurimin e sëmundjeve kardiovaskulare dhe parandalimin e anomalive në rastin e mospërputhshmërisë së transplantit.

”Hulumtuesit e Universitetit të Tel Avivit prezantuan për median këtë zemër të pajetë sa madhësia e një qershie, e zhytur në lëng”, pohon një nga shkencëtarët, pedagogu Tal Dvir, i cili drejtoi kërkimet.

”Kjo është hera e parë që riprodhohet një zemër e plotë me qeliza dhe enët e gjakut, gjithashtu për herë të parë është përdorur material dhe qeliza nga pacienti’’, shtoi ai.