Kosova dhe Shqipëria janë një popull në dy shtete por me heqjen e barrierave brenda përbrenda dy vendeve, shtetësia dhe flamujt nuk do të kenë shumë rëndësi.

Kështu më 28 nëntor pritet që të nënshkruhet marrëveshja për heqjen e roaming mes qeverisë së Kosovës dhe asaj të Shqipërisë.

Lajmin e ka bërë të ditur për mediat kosovare kryetari i Bordit të Autoritetit Rregullativ të Komunikimeve Elektronike dhe Postare, Kreshnik Gashi, ka thënë se ARKEP-i, është i gatshëm ta zbatojë largimin e roamingut.

Gashi ka thënë:

Largimi i roamingut ndërmjet Shqipërisë dhe Kosovës është shumë i rëndësishëm dhe ARKEP është i gatshëm që ta zbatojë sa më shpejtë që të jetë i mundur. Çështja e marrëveshjes ndërshtetërore i takon Ministrisë së Zhvillimit Ekonomik, është themeluar një grup punues dhe ne në pjesën e Kosovës e kemi kryer një pjesë të madhe dhe kjo çështje do të diskutohet takimin e ardhshëm të dy qeverive që do të mbahet me 28 nëntor në Pejë dhe shpresojmë që aty të arrihet nënshkrimi i marrëveshjes finale në mënyrë që të fillohet me zbatimin i tërheqjes së roamingut ndërmjet Kosovës dhe Shqipërisë. Sezoni i ardhëm të jetë i përfshirë në të gjitha proceset e operatorëve, ndërsa në aspektin teknik kjo realizohet shumë shpejtë, por kanë procese të brendshme të përcaktimit të kontratave dhe marrëdhënieve financiare, por edhe ajo mund të arrihet shumë shpejtë me një vullnet politik. Unë jam optimist që kjo do të jetë i gatshëm në sezonin veror me nënshkrimin me 28 nëntor ashtu siç parashihet.”