Trajneri i Galatasarayt, Fatih Terim, është personi i radhës nga futbolli elitar në europë, i konfirmuar me koronavirus.

Gjatë ditës së djeshme, është konfirmuar se ish-trajneri i kombëtares turke ka dalë pozitiv në testin ndaj COVID-19. për fatin e mirë, gjendja e tij duket e qëndrueshme dhe këtë e konfirmon vajza.

Ajo tha:

“Babai im aktualisht është mirë dhe po i nënshtrohet trajtimit në spital. Shpresoj se gjithçka do të jetë mirë. Faleminderit të gjithëve për urimet dhe mesazhet tuaja. Nëse është e mundur, mos dilni nga shtëpia. Izoloni vetën në shtëpi.”

Kujtojmë që futbolli turk ka qenë aktiv deri para pak ditësh, derisa filluan të shtoheshin rastet me COVID-19 dhe tashmë gjithçka është pezulluar.