Ish-kreu i grupit parlamentar të LSI, Petrit Vasili, thotë se kjo forcë politike në 15 vite ekzistencë nuk ka qenë asnjëherë “nën sqetullën” e dy partive të mëdha.

I ftuar në RTV Ora, Vasili thotë se LSI është themeli dhe arsyeja e tripolatitetit shqiptar.

Vasili: Po të kishte qenë në sqetullën e dy partive kryesore politike do të kishte mbaruar si forcë politike, nuk ka qenë nën sqetullën e tyre, nuk ika qenë kurrë pronën e askujt, ka qenë pronë e mendimit të lirë, ideve dhe personalitetit të saj. Përkundër kësaj është gjendur si sanduiç e goditur nga dy forcat e tjera, ka bashkëpunuar me to, ka pasur beteja shumë të forta me to. Gjithë kjo përjashton kategorisht mënyrën dhe mundësinë që dikush ndonjëherë të ketë nën sqetull LSI. As ka ndodhur as nuk do të ndodhë. Nuk është kjo LSI.Partitë në Shqipëria që janë krijuar dhe futur nën sqetullën e partive të mëdha janë asimiluar dhe kanë vdekur, nuk ekzistojnë më. LSI është themeli dhe arsyeja e tripolatitetit shqiptar.

I pyetur nëse LSI do ta pranojë ftesën e PS-së, për ndryshimin e kodit zgjedhor, Vasili u shpreh kategorik se nga hajdutët e zgjedhjeve nuk do të pranohet asnjë ftesë

Gazetari: Ka një ftesë të hapur nga Partia Socialiste, mazhoranca qeverisëse ndaj opozitës jo parlamentare, për një kod të ri zgjedhor në zgjedhjet e ardhshme në 2021. A e pranon LSI ftesën për të ndryshuar kodin zgjedhor dhe për të bërë një reformë zgjedhore?

Vasili: Ftesa vjen me hajdutët e zgjedhjeve. Si e tillë është një ftesë, që duhet parë më vëmendje se çfarë ka në thelbin të saj. Sigurisht nuk mund të jetë kurrë PS që fton opozitës. PS është fajtore e madhe që sot Shqipëria është pa zgjedhje.

Gazetari: Është partia që drejton vendin dhe shumicën në parlament.

Vasili: Nuk drejton vendin, por është një grup që ka uzurpuar vendin. Në votimet e 30 qershorit refuzimi mbarë popullor e tregoi qartë që është partia e pakicës. Në 30 qershor filluan të vidhnin veten. Sot duhet të flasim dhe debatojmë ti japim zgjidhje këtij masshteti të ndërtuar nga rilindja, apo një shteti të kapur prej saj, ku zgjedhjet janë themeli i tyre, por është një nga argumentet më të mëdha. Nuk ka për të qenë kurrë organizatorja, ftuesja PS.

Gazetari: Po kush mund të jetë?

Vasili: Ka plot faktorë dhe mekanizma, instrumente që mund dhe duhet të aktivizohen për këtë çështje. Por sigurisht jo ftesa e PS-së. Do jemi në çdo tryezë që do të ketë moderatorët përkatës, seriozë dhe të paanshëm, që besojnë vërtet në zgjedhjet e lira dhe të ndershme. Mund të ishte OSBE, organizma të tjerë ndërkombëtarë, partnerë ndërkombëtarë, shtete partnere që kanë autoritet shumë të madh në Europë.