Vasili: Dyfishim i prodhimit kombëtar në fushën e bujqësisë dhe dyfishim i të ardhurave të çdo fermeri

Lëvizja Socialiste për Integrim organizoi tryezën e bujqësisë pranë pikës së grumbullimit të produkteve bujqësore “Flavio FS” në Suk 1 të Fierit.

Në këtë takim u diskutua për programin elektoral të Lëvizjes Socialiste për Integrim të bujqësisë dhe çështjet që fermerët e pranishëm vlerësonin të rendësishme për zhvillimin e sektorit.

Të pranishëm në këtë takim ishin kryetari i Lëvizjes Socialiste për Integrim, z. Petrit Vasili, kandidatët për deputetë të qarkur Fier, znj. Erisa Xhixho, z. Robert Bitri si edhe Ministri i Bujqësisë, Zhvillimit Rural dhe Administrimit të Ujërave, z. Edmond Panariti.

Gjitahshtu, në takim mori pjesë edhe ish-kryetari i Lëvizjes Socialiste për Integrim, z. Ilir Meta, i cili dëgjoi shqetësimet e fermerëve dhe mbështeti propozimet për shtimin e buxhetit për bujqësinë që do të sillte rritje të ndjeshme të prodhimit bujqësor në vend.

“Objektivi kryesor që ne kemi vendosur është 5-fishimi i buxhetit të shtetit në fushën e bujqësisë, duke arritur në nivelin e 250 milionë eurove në vit. Pra, një 5-fishim i cili është rrënjësor dhe transformues për këtë fushë kaq të rendësishme të jetës sonë ekonomike dhe shoqërore, pasi lidhet me fatet e mijëra njerëzve”, – tha në hapje të fjalës së tij kryetar i Lëvizjes Socialiste për Integrim, z. Petrit Vasili.

Sipas kryetarit të LSI-së, ky shtim buxhetimi hap 50,000 vende të reja pune, sjell dyfishim të prodhimit kombëtar në fushën e bujqësisë dhe dyfishon të ardhurat e çdo familjeje dhe çdo fermeri.

“Ky financim, pra ky pesëfishim, lidhet me krijimin e rreth 50 mijë vendeve të reja pune. Në nga gjërat më të rëndësishme që realizon këtë rritje, do të thotë dyfishim të prodhimit kombëtar në fushën e bujqësisë dhe automatikisht, më e pakta ështe dyfishimi i të ardhurave të çdo familjeje dhe çdo fermeri”, – tha në mbyllje të fjalës së tij z. Petrit Vasili, ndërsa theksoi edhe synimin e dyfishimit të tokës bujqësore në përdorim.

Ndërsa, Ministri i Bujqësisë, Zhvillimit Rural dhe Administrimit të Ujërave, z. Edmond Panariti, e vuri theksin në fjalën e tij te resurset e mëdha që ka bujqësia në vendin tonë. Krijimi i zinxhirit të vlerave ku prodhuesi, grumbulluesi, transportuesi dhe eksportuesi ruajnë në vijimësi lidhjen e tyre zinxhir u konsiderua me mjaft rëndësi nga z. Panariti.

“Bujqësia është i vetmi sektor i këtij vendi që e mbyll krejt ciklin: prodhon, përpunon, paketon, ambalazhon, çon në tregun vendas, çon në eksport dhe ndaj gjithnjë e më tepër shihet si sektor motorr i ekonomisë kombëtare”, – u shpreh z. Panariti.

Burimi:( integrimi.al / E.S ) 

al}lsiLOGO_LRI_lgi
Selia Qëndrore

Rruga Sami Frashëri
Godina 20/10
Tiranë, Shqipëri

Zyra e Kordinatorëve

Tel: +355 4 2270 412
Tel: +355 4 2270 413

Zyra e Sekretariatit

Tel: +355 4 2258 665

Zyra e Shtypit LSI

Tel: +355 4 225 758

info@lsi.al, www.lsi.al