Danilo do të jetë përforcimi i radhës për skuadrën e Juventus. Mbrojtësi brazilian mbërriti mbrëmjen e djeshme në Torino, ndërsa ditën e sotme ai është paraqitur në J Medical për të kryer testet mjekësore.

Danilo do të jetë pjesë e marrëveshjes mes Manchester Cityt dhe Juventusit, që dërgon Joao Cancelon në “Etihad Stadium”.

28-vjeçari që në karrierën e tij ka veshur edhe fanellën e Real Madridit, te Manchester City ka qëndruar dy sezone, duke regjistruar vetëm 34 paraqitje.