Si duket kompanitë më të mëdha të pajisjeve teknologjike janë futur në një garë kamerash.

Ndërkohë që LG, Samsung dhe kompani të tjera kanë nisur prodhimin e celularëve të zgjuar me më shumë se dy kamera, edhe Apple nuk i ka shpëtuar “trendit”.

Kështu, javën që lamë pas ka dalë një koncept që tregon iPhone me një lente të trefishtë në anën e prapme, duke sjellë dyshimet se ky mund të jetë një dizajni që Apple do sjellë  për gjeneratën e vitit 2019.

Nuk dihet ende se sa i vërtetë është raporti por sipas Wall Street Journal, Apple ka në plan të prezantojë disa tipare të reja të kamerës, duke përfshirë një kamerë të trefishtë të pasme për modelin primar dhe kamerë të dyfishtë të pasme për dy modelet e tjera.