Një 22 vjeçar është arrestuar në Danimarkë si i dyshuar për vrasjen e shqiptarit Flamur Beqiri.

Ai u vu në pranga sapo zbriti në Aeroportin e Kopenhagenit, pasi mbërriti nga Tajlanda.

I dyshuari po qëndron në paraburgim në Danimarkë, në pritje të procedurave të ekstradimit në Mbretërinë e Bashkuar.

Policia dyshon se i akuzuari e ka vrarë shqiptarin pas prishjeve të pazareve kriminale.

Identiteti i të arrestuarit nuk bëhet ende i ditur nga autoritetet britanike.

36 vjeçari Beqiri u qëllua disa herë në pragun e derës në shtëpinë e tij në Battersea, rreth orës 21:00 të datës 24 dhjetor.

I njohur si producent, ai ishte vëllai i modeles së njohur Misse Beqiri.