Një ekip nga Instituti i Kërkimeve Mjekësore, në Australi, gjatë një studimi të bërë, ka dalë në përfundimin se njerëzit që janë pesimist vdesin më herët se ata që nuk kanë pikëpamje negative.

Ata zbuluan se njerëzit që mendojnë negativisht për të ardhmen kanë vdekur dy vjet më parë se personat me mendime pozitive.

Studimet e mëparshme kanë gjetur një lidhje midis optimizmit, pesimizmit dhe sëmundjes së caktuar. Ata thanë se nëse një person vuan nga një sëmundje e caktuar dhe mendon negativisht, atëhere mundësia për t’u shëruar është më e pakët se e atij që mendon pozitivisht.