• Tirana -1 °
  • Durres -1 °
  • Elbasan -1 °
  • Fier 5 °
  • Gjirokaster 10 °
  • Korce -5 °
  • Kruje -1 °
  • Kukes -12 °
  • Lezhe 3 °
  • Sarande 10 °
  • Shkoder 3 °
  • Vlore 6 °
  • Ulcinj 6 °
  • Pristine -2 °

Që prej mesnatës së 31 korrikut qeveria e Boris Jonhson ka surprizuar banorët në veri të vendit me vendosjen e disa masave kufizuese për të mos lejuar përhapjen e koronavirusit.

Masat u vendosën për shkak të rritjes së numrit të të infektuarve me koronavirus ka njoftuar Ministria Shëndetësisë. Ndryshimet do të prekin 4 milionë banorë.

Familjarët, të cilët jetojnë në banesa të ndryshme, nuk mund të takohen në ambiente të mbyllura në Manchester, Lancashire dhe West Yorkshire, si pjesë e masave që erdhën pas shtimit të rasteve me COVID-19.

Gjithashtu, qendrat e përkujdesjes dhe azilet kanë pezulluar planin për pranimin e vizitave nga familjarët, pasi mungojnë testet për stafin dhe të moshuarit.

Kufizimet e reja janë kritikuar nga opozita laburiste, që nënvizon se erdhën pa asnjë paralajmërim dhe se janë të paqarta. Por qeveria i ka mbrojtur ato.

Ministri i Shëndetësisë, Matt Hancock tha se njoftimi 3 orë përpara vendosjes së masave ishte më se i mjaftueshëm. Ai tha se shtimi i rasteve të fundit ka ardhur si pasoje e mosrespektimit të distancimit social.