Shkencëtarët e Shkollës së Mjekësisë të Universitetit të Pittsburgh-ut, kanë gjetur ‘molekulën më të vogël biologjike’ që ‘neutralizon plotësisht dhe specifikisht’ SARS-CoV-2, virusi që shkakton COVID-19.

Antitrupi është 10 herë më i vogël se një antitrup i zakonshëm dhe është përdorur për të krijuar ilaçin Ab8, sipas një raporti të botuar nga studiuesit në revistën Cell. Studiuesit thonë se ilaçi është një trajtim i mundshëm parandalues ​​kundër SARS-CoV-2.

“Ab8 jo vetëm që ka potencial si terapi për COVID-19, por gjithashtu mund të përdoret për të mbrojtur njerëzit që të mos marrin infeksione SARS-CoV-2.” – tha bashkëautori i studimit, John Mellors, shefi i Divizionit të Sëmundjeve Infektive në Pitt dhe UPMC .

“Antitrupat më të mëdhenj kanë punuar kundër sëmundjeve të tjera infektive dhe janë toleruar mirë, duke na dhënë shpresë se mund të jetë një trajtim efektiv për pacientët me COVID-19 dhe për mbrojtjen e atyre që nuk kanë pasur kurrë infeksion dhe nuk janë imunë.” – tha ai.

Ilaçi është testuar te minjtë dhe është treguar të jetë ‘shumë efektiv në parandalimin dhe trajtimin’ e infeksionit SARS-CoV-2, sipas raportit. Studiuesit gjithashtu thonë se ilaçi nuk lidhet me qelizat njerëzore, gjë që ata thonë se mund të mos ketë efekte anësore të padëshirueshme tek njerëzit.

Studiuesit po shqyrtojnë se si mund të merret mjekimi, duke thënë se mund të thithet si aerosol ose të shpërndahet përmes një injeksioni sipërfaqësor.